🛑कोरजाई येथे अवैध वाळू उत्खनन जोरदार सुरु मात्र परुळे ग्राम महसूल अधिकाऱ्यांचे याकडे जाणीवपूर्वक दुर्लक्ष.

🖋️लोकसंवाद /- समिल जळवी,सिंधुदुर्ग.

सध्या बरेच दिवस झालेत कोरजाई येथील बेकायदेशीर वाळू उत्खननाबाबतचे वृत्त प्रसारित होताच यावर कारवाई करण्यात आली होती.परंतु गेल्या अनेक दिवसांपासून काही ठिकाणी वाळू उत्खनन हे प्रशासनाचे नियम पूर्णपणे धाब्यावर बसऊन जोरदार चोरटी वाळू काढली जात आहे.आणि याचे प्रमाण दिवसेंदिवस वाढतंच चालले आहे.आणि यावर शासनाच्या अधिकाऱ्यांचा जाणीवपूर्वक दुर्लक्ष होत आहे.यात प्रमुख्याने परुळे ग्राम महसूल अधिकारी यांनी जाणीवपूर्वक दुर्लक्ष केल्याचे नागरिकांमधून आता उघड पणे बोलले जात आहे.त्या महसूली अधिकाऱ्याची सखोल चौकशी करून त्यांच्यावर कारवाई करण्यात यावी.असे अधिकारी जर शासनाचा महसूल वाया घालवून जर चोरटी वाळू काढणाऱ्या वाळू माफियाना प्रोत्साहन देत असतील तर अश्या महसूली अधिकाऱ्यांवर जिल्हाधिकारी श्री.अनिल पाटील नेमकी काय भूमिकी घेणार की,महसूली अधिकाऱ्यांना पाठीशी घालणार हे आता येणाऱ्या काही दिवसात पाहायला मिळेल.

गेल्या अनेक दिवसांपासून कोरजाई खाडीमध्ये अवैध वाळू उत्खनन सुरू होते.परंतु परुळे ग्राम महसूल अधिकारी यांनी याकडे जाणीवपूर्वक दुर्लक्ष करत आपल्या आर्थिक फायद्यासाठी वाळू उत्खननावर कारवाई न करता दबावतंत्र वापरून केवळ वाळू वाहतुकीवर कारवाई करण्यात आली.नुसती वाळू वाहतुकीवर कारवाई करून काही उपयोग होत नाही.यासाठी सदर बाब गंभीर स्वरूपाची असून त्यांची सखोल चौकशी करून त्यांच्यावर योग्य ती कारवाई करण्यात यावी.या सर्व प्रकराकडे सिंधुदुर्ग चे जिल्हाधिकारी काय कारवाई करणार याकडे नागरिकांचे लक्ष लागुन राहिले आहे.