🛑सिंधुदुर्गात पासपोर्ट कार्यालय होण्याच्या कामाला वेग.;आमदार निलेश राणे यांचा पाठपुरावा सुरु.

🖋️लोकसंवाद /- समिल जळवी,सिंधुदुर्ग.

सिंधुदुर्ग जिल्ह्यात पासपोर्ट चे कार्यालय होण्याच्या कामाला आता वेग आला आहे.सिंधुदुर्ग जिल्ह्यातील नागरिकांना पासपोर्ट च्या कामासाठी कोल्हापूर, गोवा किंवा राजापूर या ठिकाणी जावे लागते,याची खबर कुडाळ – मालवण चे आमदार डॉ.निलेश नारायण राणे यांच्या कानावर काही नागरिकांनी घातली होती.याची दाखल घेऊन आमदार निलेश राणे यांनी,२५.०६.२०२५ रोजी भारताचे परराष्ट्र मंत्री डॉ.एस.जयशंकर यांना पत्रव्यवहार करून महाराष्ट्रातील सिंधुदुर्ग जिल्ह्यात पासपोर्ट सेवा केंद्र (पीएसके)स्थापन करण्याची विनंती केली आहे.

परराष्ट्र मंत्री डॉ.एस.जयशंकर यांना पत्रात आमदार निलेश राणे यांनी अशी मागणी केली आहे की,सिंधुदुर्गातील रहिवाशांना सध्या पासपोर्ट काढण्यासाठी मोठ्या प्रमाणात प्रवास करून पजावे लागते. त्याचा नागरिकांना त्रास सहन करावा लागत आहे.त्यासाठी १५०-१८० k.m. प्रवास करावा लागतो,ज्यामुळे वेळ आणि पैशाचे नुकसान होते,सिंधुदुर्ग जिल्हा हा एक पर्यटन जिल्हा आणि तो पर्यटनचे केंद्रबिंदू म्हणून वाढत आहे.त्यामुळे दिवसेंदिवस पासपोर्ट अर्जामध्ये वाढ होत आहे.त्यामुळे स्थानिक पासपोर्ट सेवा केंद्र नसल्यामुळे जनतेला विलंब आणि त्रास होतो.असे आमदार निलेश राणे यांनी परराष्ट्र मंत्र्यांसोबत पत्रव्यवहार करून यासंदर्भात पत्रव्यवहार केला आहे. त्यामुळे आता लवकरच सिंधुदुर्ग जिल्ह्यात देखील पासपोर्ट कार्यालय होण्याच्या हालचालीना वेग आलेला दिसत आहे.