🛑वेंगुर्ला शहरामध्ये भुमिगत गॅस पाईप लाइन केवळ शहरातील रस्त्याची वाट लावण्यासाठीच आहे काय ?ॲड.मनीष सातार्डेकर.

🖋️लोकसंवाद /- वेंगुर्ला.

वेंगुर्ला शहरात भुमिगत गॅस पाईप लाइन टाकण्याचे काम सुमारे चार वर्षांपेक्षा अधिक काळ सुरु असुन अद्यापर्यंत एकही कनेक्शन देण्यात आलेले नाही मात्र या गॅस पाईपच्या नादात वेंगुर्ला शहरातील सर्वच रस्ते खोदुन सर्व रस्ते खड्डेमय करण्यात आलेले आहे. त्यामुळे सदरची गॅस पाईप लाइन शहरातील रस्त्यांची वाट लावण्यासाठीच आहे काय? असा संतप्त सवाल सामाजिक कार्यकर्ते ॲड. मनीष सातार्डेकर यानी उपस्थित केला आहे.
वेंगुर्ला शहरामध्ये सुमारे चार वर्षापुर्वी भुमिगत गॅस पाईप लाइनचे काम सुरु करण्यात आले त्यावेळी संबंधीत कंपनीकडुन सदरचे काम चार टप्प्यात करण्यात येणार असुन पहिल्या टप्त्यात वेंगुर्ला कॅम्प एरीयामध्ये प्रथम गॅस पाईप लाइन कनेक्शन सुरु करण्यात येणार असल्याचे संबंधीत कंपनीकडुन सांगण्यात आले होते. तसेच सदर गॅस पाईप लाइनचे काम पहिला टप्पा सुरु झाल्यानंतर पुढील तीन टप्प्यात संपुर्ण शहरामध्ये सदरच्या गॅस पाईप लाइनचे काम करण्यात येईल. त्यामुळे लोकांना चांगली सुविधा मिळेल असे देखील सांगण्यात आलेले होते या गॅस पाईप
लाइन करीता वेंगुर्ला नगरपरिषद मार्फत त्यांना भुखंड देखील उपलब्ध करुन देण्यात आलेला होता. मात्र असे असुन देखील गेल्या चार वर्षांत संबंधीत कंपनीने एकही कनेक्शन अद्यापपर्यंत सुरु केलेले नाही मात्र ही गॅस पाईप लाइन टाकण्यासाठी वेंगुर्ला शहरातील सर्वच रस्ते मात्र खोदुन टाकलेले आहेत. तसेच सदर रस्त्यांची योग्यरित्या डागडुजी देखील केलेली नाही व सदर कंपनीच्या कामावर वेंगुर्ला नगरपरिषदेचा कोणताही अंकुश नाही. त्यामुळे संबंधीत कंपनीने आपल्या मनमानीपणे वाटेल तसे शहरातील रस्ते खोदलेले आहेत. व त्याचा प्रचंड त्रास शहरवासीयांना, वाहनचालक तसेच पादचाऱ्यांना देखील होत आहे. त्यामुळे वेंगुर्ला नगरपरिषदेने याची गंभीर दखल घेवुन संबंधीत कंपनीला गॅस कनेक्शन लवकरात लवकर सुरु करण्याबाबत जरुरत्या सुचना कराव्यात तसेच खोदलेले रस्ते त्वरीत पुर्ववत करण्याबाबत देखील संबंधीत कंपनीला जरुरते आदेश देण्यात यावे तसेच संबंधीत कंपनी जाणीवपुर्वक दुर्लक्ष करत असल्यास संबंधीत कंपनीवर जरुरती कायदेशीर कारवाई करण्यात यावी अन्यथा संबंधीत कंपनीला व वेंगुर्ला नगरपरीषदेला वेंगुर्ला शहरवासीयांच्या रोषाला सामोरे जावे लागेल असा इशारा देखील सामाजिक कार्यकर्ते ॲड. मनीष सातार्डेकर यांनी दिला आहे.