🛑उभादांडा येथे घरात गळफास घेऊन एकाची आत्महत्या.

🖋️लोकसंवाद /- वेंगुर्ला.

उभादांडा-कांबळीवाडी येथील रहिवासी संतोष विष्णू हरमलकर (५३) याचा मृतदेहू, रहाते घरांत दोरीच्या सहाय्याने गळफास घेतलेल्या अवस्थेत व कुजलेल्या परीस्थितीत आढळून आला. याबाबत वेंगुर्ले पोलीसांत अकस्मित मृत्यूची नोंद झाली आहे.उभादांडा-कांबळीवाडी येथील रहिवासी संतोष विष्णू हरमलकर (५३) हे दि १९ जून रोजी सायंकाळी ६ ते दि २१ जून सकाळी ११.१५ वाजेपर्यंत कोणालाही दिसले नव्हते. शनिवारी ते रहात असलेल्या घरांतून कुजण्याची दुर्गधी त्या भागांत येऊ लागल्याने स्थानिक नागरीकांनी याबाबत पोलीस पाटील सायली पेडणेकर यांना कळविले. त्यानुसार पोलीस पाटील यांनी वेंगुर्ले पोलीस स्टेशनला व संतोष विष्णू हरमलकर यांचा भाऊ यशवंत विष्णू हरमलकर यांना कळविले. पोलीस व यशवंत हरमलकर आल्यानंतर त्या घराचे दार उघडण्यात आले. तेव्हा संतोष हरमलकर यांचा मृतदेह गळफास घेऊन लटकलेल्या मृत अवस्थेत व कुजलेला आढळून आला. याबाबतची खबर यशवंत हरमलकर यांनी पोलीसांत दिली. त्यानुसार पोलीस पंचनामा करून उपजिल्हा रुग्णालय येथे शवविच्छेद करण्यात आले. त्यानंतर मृतदेह नातेवाईकांच्या ताब्यात देण्यात आला. या प्रकरणाचा अधिक तपास हेड कॉन्स्टेबल योगेश राऊळ हे करीत आहेत.