🛑अतिरिक्त जिल्हाधिकारी शुभांगी साठे यांची सुकळवाड प्राथमिक केंद्रशाळेला भेट.

🖋️लोकसंवाद /- ओरोस.

सुकळवाड प्राथमिक शाळेतील बालवयापासून विद्यार्थ्यांना संगणक विज्ञान आणि संस्कार क्षम पिढी घडविण्यासाठी स्मार्ट शाळा उपक्रम आणि लोक सहभाग वाखाखण्याजोगा आहे असे उदगार अतिरिक्त जिल्हाधिकारी शुभांगी साठे यांनी काढले.

सुकळवाड प्राथमिक केंद्रशाळेमध्ये दुसऱ्या दिवशी विद्यार्थ्यांचे प्रवेशोत्सव साठी अतिरिक्त जिल्हाधिकारी शुभांगी साठे यांनी भेट देऊन येथील विद्यार्थ्यांचे स्वागत करत शाळेत राबविण्यात येणाऱ्या उपक्रमांबाबतची माहिती घेतली. यावेळी शाळेचे मुख्याध्यापक बाळकृष्ण नांदोसकर ,उपसरपंच किशोर पेडणेकर, शालेय समितीचे अध्यक्ष सुनील पाताडे स्वीय सहाय्यक विठोबा सावंतआदीं सह निपुण भारत अभियान अंतर्गत संपर्क संस्थेचे प्रशिक्षक, शाळेतील शिक्षक व विद्यार्थी उपस्थित होते.

अतिरिक्त जिल्हाधिकारी शुभांगी साठे यांचे मुख्याध्यापक बाळकृष्ण नांदोस्कर यांनी स्वागत केले.त्यानंतर शाळेतील विद्यार्थी पटसंख्या व उपक्रमाबाबत ची माहिती घेत या शाळेमध्ये संगणक केंद्र ,विज्ञान केंद्र आणि निपुण भारत अभियान संपर्क स्मार्ट शाळा उपक्रमा बाबतची माहिती घेत शाळा परिसराची पाहणी केली.या शाळेला १०२ पट असून विद्यार्थ्यांची उपस्थिती बाबत माहिती घेतली.त्यावेळी श्रीमती साठे म्हणाल्या ,या प्रशालेतून उत्तम प्रकारे शिक्षण दिले जात आहे.यापुढेही आपण त्या दृष्टीने प्रगती करण्यासाठी विद्यार्थ्यांनी शाळेची शिस्त व नियम यांचे पालन केले पाहिजे. देशाचे चांगले नागरिक घडविण्याचे काम या प्राथमिक शाळेतून होते त्याचे पालन करा मुलांच्यात व्यक्तिमत्व विकास घडवून आणण्यासाठी सुकळवाड केंद्र शाळेने आतापर्यंत विविध उपक्रम राबविले आहेत , विविध स्पर्धेमध्ये सहभाग घेतला आहे, स्पर्धेच्या युगात टिकण्यासाठी विद्यार्थ्यांनी सर्वकर्ष ज्ञान घेणे आणि ते शिक्षकांनी देणे चे काम केले पाहिजे ते या शाळेतून होत आहे ,शिक्षणाबरोबर शैक्षणिक विविध उपक्रम याचे पुरेपूर ज्ञान विद्यार्थ्यांनी करून घ्यावे ,विद्यार्थ्यांना शिक्षणाबरोबर सध्याच्या घडामोडीवर ,नैतीक मुल्य शिक्षण देणे गरजेचे आहे त्या दृष्टीने लक्ष देत विद्यार्थ्यानी नुसते मोबाईलवर गेम किंवा अन्य चित्रपट सिरीयल बघण्यापेक्षा स्पर्धेच्या युगात टिकण्यासाठी मोबाईलचा योग्य पद्धतीने ज्ञानासाठी वापर केला पाहिजे व आपली प्रगती साधली पाहिजे, प्राथमिक शाळांमधून आपण एक दर्जेदार शिक्षण घेऊन आपले उज्वल भवितव्य नागरिक बनण्यासाठी यामध्ये पालकांनीही आपला पाल्य योग्य प्रकारे शिक्षण घेतो की नाही याचे पुरेपूर लक्ष ठेवणे गरजेचे आहे ,विद्यार्थ्यांनी आपण भविष्यात कोण होणार या दृष्टीने स्वप्न बाळगुन प्राथमिक शाळा मधूनच चांगले शिक्षण घ्यावे असे प्रतिपादन अतिरिक्त जिल्हाधिकारी शुभांगी साठे यांनी केले.