🛑 कुडाळ तालुक्याच्या वतीने १०वी १२वी उत्तीर्ण झालेल्या वैश्य बांधवांचा गुणगौरव व सत्कार सोहळा.

🖋️लोकसंवाद /- समिल जळवी,कुडाळ.

कुडाळ तालुका वैश्यवाणी समाज,कुडाळ तर्फे फक्त वैश्य ज्ञातीतील गरजु, हुशार विद्यार्थ्यांना शालोपयोगी वस्तुचे वितरण आणि हुशार विद्यार्थ्यांचा सत्कार समारंभ दरवर्षीप्रमाणे याही वर्षी “कुडाळ तालुका वैश्यवाणी समाज, कुडाळ” तर्फे तालुक्यातील वैश्यवाणी ज्ञातीतील गरजु व हुशार विद्यार्थ्यांना शालोपयोगी वस्तुचे वितरण करण्यात येणार आहे.

ज्या विद्यार्थ्यांना याचा लाभघ्यावयाचा असेल अशांनी शुक्रवार दिनांक २० जून २०२५ पर्यंत प्रत्येक गावातील ग्रामकमीटीकडे अर्ज करावे.तालुक्यात पावशी,खुटवळवाडी, खोचरेवाडी, कसाल,आंब्रड, घोटगे, जांभवडे, कुपवडे, कडावल, नेरुर, माणगाव या ठिकाणी ग्रामसमित्या स्थापन केलेल्या आहेत.या गावातील विद्यार्थ्यांनी आपले अर्ज समिती प्रमुख यांच्याजवळ शुक्रवार दिनांक २० जून २०२५ पर्यंत द्यावयाचे आहेत.तसेच समिती प्रमुख यांनी सर्व अर्ज आपल्या शिफारशीसह शुक्रवार दिनांक २१ जून २०२५ पर्यंत संस्थेचे कार्यवाह, श्री सुनिल काशिनाथ धुरी, द्वारा सिध्दाली फॅशन हाऊस शिवाजीनगर कुडाळ व गुरुकृपा स्टोअर्स बाजारपेठ कुडाळ यांचेकडे सादर करावयाचे आहेत.

वरील गावा व्यतिरिक्त असलेल्या गावातील व कुडाळ शहरातील विद्यार्थ्यांनी आपले अर्ज रविवार दिनांक २२ जून २०२५ पर्यंत श्री सुनिल धुरी,शिवाजीनगर कुडाळ, यांचेकडे द्यावेत.अर्जासोबत मार्क लिस्टची झेरॉक्स प्रत आवश्यक आहे. किमान ४०% च्यावर मार्क असलेले अर्ज स्विकारले जातील.

रविवार दिनांक २९ जून २०२५ रोजी सकाळी १०.३० वाजता महालक्ष्मी हॉल नं. २, कुडाळ येथे कार्यक्रमाचे आयोजन करण्यात आलेले आहे.त्याचप्रमाणे ज्ञातीतील गुणवंत विद्यार्थ्यांचा सत्कार समारंभ व गरजु होतकरू विद्यार्थी/विद्यार्थीनीना शालोपयोगी वस्तूचे वितरण करण्यात येणार आहे.

तसेच स्कॉलरशिप उत्तीर्ण, इयत्ता १० वी मध्ये ८०% च्यावर व १२ वी मध्ये ७०% पेक्षा जास्त गुण मिळविलेल्या विद्यार्थी/विद्यार्थीनीनी सत्कारासाठी आपली नांवे ग्रामसमितीकडे व वर उल्लेख केलेल्या पदाधिकाऱ्यांकडे रविवार दिनांक २२ जून २०२५ पर्यंत गुणत्रिकेच्या झेरॉक्स प्रतिसह सादर करावीत. तसेच १० वी मध्ये ९०% च्यावर इ.१२ वी मध्ये ८०% पेक्षा जास्त गुण मिळविलेल्या विद्यार्थी/विद्यार्थीनीचा विशेष सत्कार मान्यवरांच्या हस्ते करण्यात येणार आहे,असे संस्थेचे कार्यवाह श्री सुनिल काशिनाथ धुरी यांनी आवाहन केले आहे.

वैश्य समाजातील स्कॉलरशिप व इ. १० वी व १२ वी परिक्षा उत्तीर्ण विद्याथ्यांचे हार्दिक अभिनंदन ! तसेच वैश्य भवन वसतीगृहामध्ये प्रवेश सुरू आहे.तरी इच्छुक विद्याथ्यांनी संपर्क साधावा.

खालील ठिकाणी अर्ज स्विकारले जातील. श्री भार्गवराम ऊर्फ अजित का. धुरी, गुरूकृपा स्टोअर्स, बाजारपेठ कुडाळ मो. ९४२१२३७३७४. श्री सुनिल धुरी,शिवाजीनगर कुडाळ.