🛑वेंगुर्ला शहरासाठी पोलिस पाटील नेमा,ॲड.मनीष सातार्डेकर यांची जिल्हाधिकाऱ्यान जवळ मागणी.

🖋️लोकसंवाद /- सिंधुदुर्ग.

वेंगुर्ला शहरासाठी पोलिस पाटील नेमण्याबाबत सिंधुदुर्ग जिल्हाचे जिल्हाधिकारी मा.अनिल पाटील यांना सामाजिक कार्यकर्ते ॲड.श्री. मनीष सातार्डेकर यांनी दिले निवेदन
वेंगुर्ला शहरामध्ये गेली कित्तेक वर्षे पोलिस पाटील नसल्याने नागरीकांचे हाल होत असुन शहारातील नागरीकांना पोलिस पाटील दाखल्यासाठी वणवण फिरावे लागते. सबब वेंगुर्ला शहरासाठी पोलिस पाटील नेमणे अत्यंत आवश्यक आहे. वेंगुर्ला शहरांची लोकसंख्या जवळपास दहा हजारच्या आसपास असुन शहरामध्ये गेली कित्तेक वर्षे पोलिस पाटील पद रिक्त असल्याने शहरातील लोकांना पोलिस पाटील
दाखला हवा असल्यास दाखल्याकरीता उभादांडा येथे जावे लागते व त्यात नागरीकांचा बराच वेळ व पैसा विनाकारण खर्ची होतो. शाळा महाविद्यालयातील विद्यार्थी यांना विविध दाखल्यांकरीता वेळोवेळी पोलिस पाटील दाखल्याची आवश्यकता भासत असते.तसेच वारस तपास, उत्पन्नाचा दाखला, रहिवासी दाखला, जात प्रमाणपत्र, जात पडताळणी, नॉन क्रिमीलेयर प्रमाणपत्र अशा विविध
दाखल्याकरीता व विविध कामाकरीता पोलिस पाटील यांच्या दाखल्याची आवश्यकता भासते व शहरामध्ये पोलिस पाटील पद रिक्त असल्याने शहरातील नागरीकांचे दाखल्यासाठी चांगलेच हाल होत आहेत. काही दिवसापुर्वीच वेंगुर्ला तालुक्यातील गावागावामध्ये पोलिस पाटील यांची पदे भरण्यात आली. वेंगुर्ला शहरासाठी देखील
पोलिस पाटील पदाची भरती घेण्यात आली. परंतु वेंगुर्ला शहर सोडुन इतर ठिकाणच्या पोलिस पाटीलांना नियुक्ती पत्र देण्यात आले. मात्र वेंगुर्ला शहरासाठी अद्यापही पोलिस पाटील नेमण्यात आलेले नाहीत.त्यामुळे सध्या गावागावामध्ये पोलिस पाटील पदे भरण्यात आलेली आहेत एकाच गावामध्ये वा वाडीमध्ये पोलिस पाटील पदे भरण्यात आली मात्र वेंगुर्ला शहरासाठी पोलिस पाटील पदाची भरती प्रक्रिया राबविण्यात आली मात्र अद्यापपर्यंत वेंगुर्ला शहराला पोलिस पाटील देण्यात आलेले नाही. त्यामुळे वेंगुर्ला शहराचा तसेच शहरातील लोकसंख्येचा विचार करता किमान एक तरी पोलिस पाटील शहरामध्ये असणे अत्यंत आवश्यक आहे. असे असले तरी वेंगुर्ला शहरासाठी घेण्यात आलेल्या पोलिस पाटील भरतीमधील शहरासाठी असणारे पोलिस पाटील पद अद्यापही रिक्त असुन पोलिस पाटील नसल्याने नागरिकांचे दाखल्यासाठी हाल होत आहेत. त्यामुळे वेंगुर्ला शहरासाठी जी पोलिस पाटील पदासाठी भरती घेण्यात आलेली होती. त्याना असेल ती हरकत त्वरित दुर करुन पोलिस पाटील म्हणून त्वरित नियुक्तीपत्र देण्यात यावे व वेंगुर्ला शहर वासियांची पोलिस पाटील दाखल्यासाठी होत असलेली गैरसोय त्वरित दुर करावी. सन्मानीय जिल्हाधिकारी महोदय आम्हा वेंगुर्ला शहर वासियांना आपणांकडून भरपूर अपेक्षा आहेत. त्यामुळे वेंगुर्ला शहर पोलिस पाटील पद आपल्या आदेशांने त्वरित भरले जाईल. हि आपल्याकडून अपेक्षा आहे व आपल्याला कळकळीची विनंती देखील आहे. तरी आपण संबंधित बाबीकडे त्वरित लक्ष देवून वेंगुर्ला शहरासाठी पोलिस पाटील पद त्वरित भरण्याबाबत संबंधीत प्रशासनाला जरुरते आदेश द्यावेत. अशा आशयाचे निवेदन सामाजिक कार्यकर्ते ॲड. श्री. मनीष सातार्डेकर यानी सिंधुदुर्ग जिल्ह्याचे जिल्हाधिकारी मा. श्री. अनिल पाटील यांची प्रत्यक्ष भेट घेवुन त्यांना निवेदन दिलेले आहे व त्यांनी देखील याला सकारात्मक प्रतिसाद दिलेला आहे.