🛑वेंगुर्ला कॅम्प स्टेडियम येथे वृक्षारोपण करणेबाबत मुख्याधिकारी नगरपरिषद वेंगुर्ला यांना निवेदन.

🖋️लोकसंवाद /- वेंगुर्ला.

वेंगुर्ला कॅम्प स्टेडियम येथे वृक्षारोपण करणेबाबत सचिन वालावलकर मित्रमंडळ वेंगुर्ला अध्यक्ष श्री. संतोष परब
उपाध्यक्ष – ॲड. श्री. मनीष सातार्डेकर सदस्य भुषण माडकर, बाळा आरावंदेकर, प्रशांत सावंत, जयेश गावडे यांच्या वतीने मा. मुख्याधिकारी नगरपरिषद, वेंगुर्ला, यांना कँम्प स्टेडियम येथे वृक्षारोपण करण्याबाबत निवेदन देण्यात आले तसेच मित्रमंडळाच्या वतीने वृक्षारोपण करणे बाबत परवानगी देखील मिळाली अशी मागणी देखील करण्यात आली.

कॅम्प स्टेडीयम येथे बऱ्याच क्रिकेटच्या तसेच मैदानी
स्पर्धा होतात व आजुबाजुला झाडांची सावली नसल्याने स्पर्धकांना याचा प्रचंड त्रास सहन करावा लागतो. त्यामुळेच कॅम्प स्टेडीयमच्या अवतीभोवती झाडांची सावली असणे अत्यंत आवश्यक आहे व कॅम्प स्टेडीयमच्या अवतीभोवती वृक्षारोपण केल्यास त्याचा फायदा स्पर्धकांना व खेळाडुंना होणार असल्यानेच सदर वृक्षारोपणाकरीता नगरपरिषदेने परवानगी द्यावी व सहकार्य करावे व या कार्यक्रमात सक्रिय सहभाग घ्यावा असे निवेदन सचिन वालावलकर मित्रमंडळाच्या वतीने मुख्याधिकारी नगरपरीषद वेंगुर्ला यांना देण्यात आलेले आहे व लवकरच कॅम्प स्टेडियम येथे वृक्षारोपण करण्यात येणार असल्याचे देखील मित्रमंडळाच्या वतीने सांगण्यात आलेले आहे.