🛑गणेशमूर्ती रंगकाम प्रात्यक्षिक व रंगांची माहिती कार्यशाळेचे यशस्वीरीत्या आयोजन.

🖋️लोकसंवाद /- ओरोस.

त्रिमूर्ती गणेश रंगभंडार चिपळूण यांच्या सौजन्याने आणि श्रीगणेश मूर्तीकारसंघ सिंधुदुर्ग आयोजित गणेशमूर्ती रंगकाम प्रात्यक्षिक व रंगांची माहिती कार्यशाळेचे यशस्वीरीत्या आयोजन शनिवार, दि. ७ जून रोजी सकाळी १० वाजता सिद्धिविनायक हॉल, कसाल (बाजार पेठ, मारुती मंदिर समोर) येथे ही कार्यशाळा आयोजित करण्यात आली आहे. या कार्यशाळेत गणेश मूर्तीला फेटा बांधणे, कपड्याचा शेला घालणे आणि पीतांबर नेसविणे यांसारख्या विविध प्रात्यक्षिकांचे सादरीकरण करण्यात येणार आहे.

सकाळी १० ते १०.३० उपस्थितांचे स्वागत, दिव्यत्वाला श्रद्धांजली व दीपप्रज्वलन.सकाळी १०.३० ते २.३०: पाहुण्यांची ओळख, रंगांची माहिती व मूर्तीवर रंगकाम करण्याचे प्रात्यक्षिक. दुपारी २.३० ते ३.३०: विश्रांती व सहभोजन. दुपारी ३.३० ते पुढे: फेटा बांधणे, शेला घालणे व पीतांबर नेसविणे प्रात्यक्षिक होईल. कार्यक्रमाची सुरुवात ठीक सकाळी १० वाजता होईल. यावेळी उपस्थित राहणाऱ्यांना तत्पूर्वी उपस्थित राहण्याचे आवाहन करण्यात आले होते. या कार्यक्रमासाठी कोणत्याही प्रकारची प्रवेश फी आकारण्यात येणार नाही, परंतु नोंदणी करणे आवश्यक होते. नोंदणीसाठी श्री. उदय राऊत (९४२२३२४८३०) व श्री. अजय परब (९४२२३२२३३८) यांच्याशी संपर्क साधण्याचे आवाहन करण्यात आले होते. या कार्यशाळेमुळे गणेश मूर्ती तयार करणाऱ्यांना तसेच रंगांबद्दल माहिती घेऊ इच्छिणाऱ्यांना मोलाचे मार्गदर्शन मिळेल असे सांगण्यात आले.