🛑कोहिनुर हिरा जय मांजरेकर यांच्याकडून कोकिळाबेन हॉस्पिटलमद्धे इमर्जन्सी ओपन हार्ट सर्जरीसाठी रक्तदान.

🖋️लोकसंवाद /-समिल जळवी,सिंधुदुर्ग

आज गुरुवार दि.29.05.2025.रोजी विजय जाधव (रत्नागिरी) या पेशंटला कोकिळाबेन हॉस्पिटल,अंधेरी (मुंबई) येथे इमर्जन्सी ओपन हार्ट सर्जरीचे वेळी दुर्मिळ अशा बी निगेटिव्ह रक्ताची तातडीची गरज होती.दुर्मिळ रक्तगट असल्यामुळे नातेवाईकांची रक्त मिळविण्यासाठी धावपळ सुरु होती.

नेमके दोन दिवसांपूर्वीच आपल्या ऑन कॉल रक्तदाते संस्थेचे नवतरुण,तडफदार ऑन कॉल बी निगेटिव्ह रक्तदाते वेंगुर्ला तालुक्यातील जय मांजरेकर (उभादांडा) हे आपल्या बहिणीकडे घरगुती कौटुंबिक कार्यक्रमानिमित्त विरारला गेले होते.दरम्यान कालच जय मांजरेकरच्या बहिणीच्या व्हाट्सअपवर तिच्या मैत्रिणीने आपल्याच वडिलांच्या ओपन हार्ट सर्जरीचेवेळी बी निगेटिव्ह रक्ताची गरज असल्याची पोस्ट पाठविली,ती पोस्ट जयने पाहिली आणि ताबडतोब पेशंटच्या नातेवाईकांशी संपर्क साधला.

आज गुरुवार सकाळी अकरा वाजता जयने कोकिळाबेन हॉस्पिटलमध्ये जाऊन आपले आगळेवेगळे रक्तदान केले.परवा ३१ मे रोजी जय आपला तेविसावा वाढदिवस साजरा करेल,पण तत्पूर्वीच जयने आज आपले तब्बल विसावे रक्तदान केले.तसेच एकदा तर जयने GMC बांबोळी रक्तपेढीमध्ये जाऊन (ते सुद्धा स्वतःच्या मोटरसायकलने जाऊन) सिंगल डोनर प्लेटलेट्स (SDP) डोनेशन केलेले आहे.जयच्या या उदार दातृत्वाला तोडच नाही.जय,आजच्या तुझ्या या अतुलनीय धाडसी कार्यकर्तृत्वाला हजारवेळा प्रणाम,स्वामीकृपेकरुन आपल्या हातून अशीच निरंतर रुग्णसेवा होत जावो,हीच सदिच्छा.

आत्तापर्यंत जयने जवळपासच्या सर्वच म्हणजे जिल्हा रुग्णालय रक्तपेढी, सावंतवाडी रक्तपेढी, एस एस पी एम पडवे रक्तपेढी, GMC बांबोळी रक्तपेढी, मणिपाल रक्तपेढी अशा ठिकाणी तातडीने जाऊन रक्तदान केलेले आहे आणि अनेक रुग्णांचे जीव वाचविलेले आहेत.

ऑन कॉल रक्तदाते संस्था,सिंधुदुर्गचे कार्यकारिणी सदस्य बाळकृष्ण उर्फ नाना राऊळ यांच्या पठडीत तयार झालेला आणि त्यांच्या मार्गदर्शनाखाली कार्यतत्पर होत असलेला जय हा एक कोहिनूर हिरा आहे,असे म्हटले तर वावगे ठरणार नाही.ऑन कॉल रक्तदाते संस्थेला असा हा कोहिनूर हिरा मिळवून दिल्याबद्दल नानाजी आपले खूप-खूप आभार.

समयसूचकता दाखवीत ताबडतोब जाऊन रक्तदान करणाऱ्या जयचे पेशंटच्या नातेवाईकांनी खूप कौतुक केले. तसेच त्याच्यासहीत ऑन कॉल रक्तदाते संस्था, सिंधुदुर्गचेसुद्धा आभार मानले आहेत.

जय मांजरेकर सारखे आमच्या ऑन कॉल रक्तदाते संस्थेचे अजूनही काही ठराविक रक्तदाते आहेत,जे एखाद्या पेशंटला रक्ताची गरज असल्याचे समजताच जवळपासची रक्तपेढी असो वा लांबची असो,ताबडतोब रक्तपेढीमध्ये जातात,आणि रुग्णाचा बहुमूल्य जीव वाचवितात.ते रक्तदान करुन तीन महिने कधी पूर्ण होतात,याचीच उत्सुकतेने वाट बघत असतात.आणि या सत्कार्यात संस्थेच्या महिला रक्तदात्यासुद्धा आघाडीवर आहेत.आपली ऑन कॉल रक्तदाते संस्था,सिंधुदुर्ग ही अशा या महत्त्वाच्या रक्तदात्यांची विशेष नोंद ठेवते.