🛑माहिती अधिकार कायदा मोडल्याने नापणे ग्रामसेवकाला शास्ती.

🖋️लोकसंवाद /- वैभववाडी.

माहिती अधिकार कायद्यान्वये (RTI ऍक्ट,2005) मागवलेली माहिती वेळेत न दिल्याने नापणे ग्रामपंचायतीचे ग्रामसेवक श्री.सचिन आप्पासो कांबळे यांच्यावर राज्य माहिती आयोगाने शास्तीची कारवाई केली आहे.संबंधित प्रकरणात माहिती आयोगाकडे झालेल्या सुनावणीनंतर ही कारवाई जाहीर करण्यात आली.

अर्जदार श्री. विनय कमलाकर कोकरे यांनी दिनांक 24/03/2022 रोजी ग्रामपंचायतीकडे माहिती अधिकार कायद्यानुसार ग्रामपंचायतीने केलेल्या विकास कामांबद्दल अशा विशिष्ट कागदपत्रांची मागणी केली होती. मात्र कायद्यातील 30 दिवसांच्या मुदतीत माहिती न मिळाल्याने त्यांनी उच्च अधिकाऱ्यांकडे अपील दाखल केले. सुनावणीमध्ये आदेश होऊन देखील ग्रामसेवकाने माहिती देण्याबाबत टाळाटाळ झाल्याचे स्पष्ट झाल्यामुळे त्यांच्यावर नाममात्र ₹1/- इतकी दंडात्मक शास्ती ठोठावण्यात आली आहे.

या कारवाईमुळे ग्रामपंचायतीच्या कारभारात पारदर्शकता राहावी व सरकारी अधिकारी कायद्याचे पालन करतील असा इशारा देण्यात आला आहे. माहिती अधिकार कायद्याची अंमलबजावणी प्रभावीपणे होण्यासाठी ही कारवाई महत्त्वाची मानली जात आहे.