🛑महिलेच्या मनात लज्जा निर्माण होईल असे कृत्य केल्या प्रकरणी एकाची जामीनावर मुक्तता.;ॲड विवेक मांडकुलकर यांचा युक्तिवाद.

🖋️लोकसंवाद /- सिंधुदुर्ग.

महिलेच्या मनात लज्जा निर्माण होईल असे कृत्य केल्या प्रकरणी मालवण येथिल किशोर दिगंबर मालोंडकर यांची आज जिल्हाप्रधान व सत्र न्यायाधीश श्री गायकवाड यांनी जामीनावर मुक्ततेचा आदेश केला.आरोपीच्या वतीने ॲड विवेक मांडकुलकर यांनी केलेला युक्तिवाद ग्राह्य मानून जामीनावर मुक्तता केली.सविस्तर वृत्त असे की कणकवली येथील एका मुलीची कुडाळ बस स्थानकावर सायंकाळी 30/04/2025 रोजी बस मध्ये चढत असताना मागून गर्दीचा गैरफायदा घेऊन तिच्या मनाला लज्जा निर्माण होईल असे कृत्य केले.या कृत्याच्या विरुद्ध सदर फिर्यादीने कुडाळ पोलीस स्टेशन येथे तक्रार दाखल केली. आरोपीच्या विरुद्ध भारतीय न्याय संहिता कलम 75 (1) (i) अन्वये गुन्हा दाखल केला होता.

या अनुषंगाने आरोपीस पोलिसांनी त्याच दिवशी म्हणजे दिनांक 30/4 /2025 रोजी अटक करुन 01/05/2025 रोजी कुडाळ मेहरबान न्यायालयात हजर केले,व न्यायालयीन कोठडीची मागणी केली.तशी न्यायालयीन कोठडी मंजूर करून मेहेरबान न्यायालय यांनी न्यायालयीन कोठडीत रवानगी केली त्या अनुषंगाने पोलिसांनी आरोपी विरुध्द कुडाळ न्यायालयात दोषारोप पत्र दाखल केले.त्यानंतर या गुन्ह्याच्या अनुषंगाने व सदर गुन्हा हा सेशन ट्रायबल असल्या कारणाने त्या गुन्हाच्या कामी आरोपी तर्फे ॲड.विवेक मांडकुलकर यांनी जिल्हा न्यायालयात जामीन अर्ज दिनांक- 21/ 5 /2025 रोजी दाखल केला व त्यांची सुनावणी दिनांक-26/4/2025 रोजी झाली. मे. न्यायलया समोर झालेला युक्तीवाद मे. न्यायालयाने ग्राह मानून व दाखल असलेल्या दोषारोप पत्राचा विचार करुन आरोपीची योग्य त्या अटी-शर्टीवर व 50 हजार रुपये रक्कमेच्या जामीनावर मुक्तता करण्यात आली.आरोपीच्या वतीने
ॲड. विवेक मांडकुलकर,ॲड. प्रणाली मोरे व ॲड.वृषांक जाधव यांनी काम पाहिले.