🛑विज वितरणाचा असा खेळ सुरू राहिल्यास अधिकाऱ्यांना कार्यालयात बसू देणार नाही.;अमित राऊळ

🖋️लोकसंवाद /- सावंतवाडी.

गेले तीन दिवस अवकाळी पावसाचा जोर सगळीकडे जिल्हाभर सुरू झाला आहे आणि नेहमीप्रमाणे वीज वितरण कंपनी सावंतवाडी सह अन्य गावा गावात वीज गायब झाली आहे.याचा त्रास सावंतवाडी वासियाना होत आहे.सावंतवाडी तालुक्यातील बऱ्याच गावांनी वीज अजूनही गायबच आहे.यात प्रामुख्याने माडखोल, सांगेली,दाणोली,कलंबिस्त, शिरसिंगे, आंबोली सह तालुक्यातील काही गावात वीज गायब आहे,अजून पावसाळ्याचे पूर्ण ४ महिने शिल्लक आहेत.मग पुढील पावसाळ्याच्या दिवसात असच लपंडाव सावंतवाडी वासियानी सहन करायचा का? फक्त भरमसाठ आलेली विजेची बिले भरण्यासाठी तगादा लावण्यात वीज वितरण कंपनी सर्वात पुढे दिसून येते.मग ग्राहकांना सेवा देताना तोंडावर का पडता? असा सवाल माडखोल येथिल सामाजिक कार्यकर्ते श्री.अमित राऊळ यांनी केला आहे.आणि याप्रकरणी स्थानिक आमदार यांनी गांभीर्याने लक्ष द्यावा अशी मागणी देखील अमित राऊळ यांनी केली आहे.तसेच यापुढे येत्या पावसाळ्यात असा जर विजेचा लपंडाव सुरू राहिला तर वीज वितरण कंपनीच्या अधिकाऱ्यांना कार्यालयात बसू देणार नाही असा इशारा सामाजिक कार्यकर्ते श्री. अमित राऊळ यांनी दिला आहे.