🛑पाट हायस्कूलच्या विद्यार्थ्यांनी जागविल्या 30 वर्षांपूर्वीच्या आठवणी..

🖋️लोकसंवाद /- कुडाळ.

1995/96 चा काळ म्हणजे सर्व माध्यमिक शाळांचा सुवर्णकाळ. मुलांची संख्या , शिक्षकांची संख्या ,संस्थांना मिळणारे अनुदान मुबलक होते . आज परिस्थिती बदललेली आहे तरी माजी विद्यार्थी म्हणून मुलांची शाळेकडे ओढ असतेच म्हणून 1996 च्या विद्यार्थ्यांनी दहावीच्या पाचही तुकड्यातील मुलांनीएकत्र जमण्याचे ठरविले .
सर्वांच्या चेहऱ्यावर एक उत्साह दिसून येत होता . बेल वाजवून शाळा भरविली , परिपाठ घेतला, वर्ग भरविला , वर्गात बसून लेक्चर घेतले , सर्व शिक्षक ,विद्यार्थी , संस्थाचालक यांचेही मनोगत घेतले . आणि जेवणानंतर सांस्कृतिक कार्यक्रम सादर करून हा दिवस आनंदात साजरा केला.

इंग्रजीत एक म्हण आहे देअर इज नो फ्रि लंच कोणतेही उपलब्धी आपणाला विनामूल्य मिळत नाही . त्याची काही ना काही किंमत चुकवावी लागते. पंचेचाळीस वर्षाच्या जीवनाचा अनुभव घेतल्यानंतर त्यांना पुन्हा लहान व्हावेसे वाटले रांगेत शाळेत जातात तशी शाळा भरविली . लहानपणाचा आनंद लुटला आणि रीलही बनवलेल्या तीस वर्षानंतर भेटत असल्यामुळे प्रत्येक जण ओळख पटवून देत होता . सुरुवातीला जे शिक्षक आणि विद्यार्थी काळाच्या ओघात निघून गेले . त्यांना श्रद्धांजली देण्यात आली पाट हायस्कूलचे मुख्याध्यापक श्री राजन हंजनकर यांनी स्वागत आणि प्रास्ताविक केले .सर्व मान्यवरांचे शाल श्रीफळ देऊन सत्कार करण्यात आला तर श्री . संदीप साळसकर श्री .रामचंद्र ठाकूर श्रीम. शैवाली परब सौ . ज्योत्स्ना देसाई संस्था संचालक श्री राजेश सामंत यांनी आपापले मनोगत व्यक्त केले .शाळेसाठी मुलां साठी भरीव मदत देण्याचे ही सर्व विद्यार्थ्यांनी आश्वासन दिले .शाळेच्या प्रगतीमध्ये विशेष लक्ष देण्याचे हे मनोगत व्यक्त केले . तर राजेश सामंत यांनी मागील काळातील संस्थेच्या कामाचा आढावा घेतला तर श्री हंजनकर सर यांनी शाळेच्या विविध क्षेत्रात मिळवलेले यश याचा आढावा घेतला त्यानंतर कला मंदिरामध्ये कलाशिक्षक श्री साळस्कर संदीप यांनी कलावर्ग घेतला त्यानंतर मुलांचे सांस्कृतिक कार्यक्रम घेतले आणि पूर्ण दिवस आनंदी वातावरणात घालवीला सर्वांनी पुन्हा पुन्हा शाळे मध्ये येण्याचे मनोमन ठरविले.