🛑म्हापण येथील जेष्ठ कीर्तनकार ह.भ.प.रमाकांत ठाकुर यांना सन्मान पुरस्कार जाहीर !.

🖋️लोकसंवाद /- कुडाळ.

भगवदभक्ति प्रबोधिनी सिंधुदुर्ग च्या वतीने देण्यात येणारा,प्रतीष्ठेचा जेष्ठ कीर्तनकार सन्मान म्हापण येथील जेष्ठ,कीर्तनकार,ह.भ.प.श्री.रमाकांतबुवा ठाकुर यांना जाहीर करण्यात आला आहे,अशी माहिती भगवदभक्ति प्रबोधिनी सिंधुदुर्ग तथा जेष्ठ कीर्तनकार सन्मान निवड समितीचे अध्यक्ष ह.भ.प.श्री.संजय पुनाळेकर यांनी दिली आहे.

तब्बल ३० वर्षे अत्यंत प्रतिकुल परिस्थितीतही न डगमगता, त्यांनी कीर्तन भक्तीचा प्रसार आणि प्रचार संपूर्ण सिंधुदुर्ग जिल्ह्यात केला आहे.त्यांच्या कीर्तन क्षेत्रातील कार्याची दखल घेत, हा सन्मान निवड समितीने एकमताने जाहीर करण्यात आला आहे.
कै.ह. भ.प दत्ताराम सखाराम तथा तात्याबुवा जड्ये व कै.ह.भ.प.सीतारामबुवा पुनाळेकर यांच्या स्मरणार्थ ह.भ.प श्री.सुधीर जड्ये व ह. भ.प.श्री संजय पुनाळेकर यांच्याकडून प्राप्त देणगीतून भगवदभक्ति प्रबोधिनी सिंधुदुर्ग च्या वतीने, हा सन्मान प्रती वर्षी प्रदान करण्यात येतो.
हा सन्मान श्री.स्वामी समर्थ मठ कासमळा,घावनळे
येथे भगवदभक्ति प्रबोधिनी सिंधुदुर्ग च्या वतीने दि.१५ मे २०२५ रोजी आयोजित करण्यात आलेल्या श्री.नारद जयंती उत्सवामध्ये सकाळी ११ वा प्रदान करण्यात येणार आहे.

या दिवशी दिवसभर जिल्ह्यातील युवा महिला व जेष्ठ कीर्तनकारांची कीर्तने ऐकता येणार आहेत, तसेच जिल्ह्यातील नामवंत साथीदारांची संगीतसाथ सुद्धा या कार्यक्रमास लाभणार आहे . सर्व भाविक श्रोत्यांनी या सोहळ्यास उपस्थित रहावे असे आवाहन भगवदभक्ति प्रबोधिनी सिंधुदुर्ग चे अध्यक्ष श्री.संजय पुनाळेकर व कार्यवाह श्री.दिनकर प्रभु केळुसकर यांनी केले आहे.