🛑वेंगुर्ला कॅम्प- कॉर्नर ते आनंदवाडी समोरील गटारासाठी खोदलेला चर ठरतोय धोकादायक.;ॲड. मनीष सातार्डेकर.

🖋️लोकसंवाद /- वेंगुर्ला.

वेंगुर्ला शहरातील कॅम्प कॉर्नर ते आनंदवाडी समोरील गटाराची खोदाई करण्यात आलेली असुन गटार मोठे करण्यासाठी मोठा चर खोदण्यात आलेला आहे. सदरचा चर हा खोल व रुंद असल्याने तो धोकादायक अवस्थेत आहे त्यामुळे सदर गटारांचे काम तात्काळ करणे आवश्यक आहे अन्यथा सदर ठिकाणी मोठी दुर्घटना होण्याची शक्यता आहे.नगरपालिकेचे मात्र याकडे दुर्लक्ष होत आहे. असा आरोप सामाजिक कार्यकरते ॲड. मनीष सातार्डेकर यानी केला आहे.
वेंगुर्ला शहरातील कॅम्प कॉर्नर ते आनंदवाडी समोरील गटाराची मोठ्या प्रमाणावर खोदाई करण्यात आलेली असुन सदर ठिकाणी असलेले गटार मोठे करण्याच्या उद्देशाने सदर ठिकाणी लांब व रुंद चर खोदण्यात आलेला आहे सदरचा चर खोल व रुंद असल्याने रस्त्याची रुंदी देखील कमी झालेली आहे. त्यामुळे सदर ठिकाणी एकाच वेळी दोन गाड्या जाऊ शकत नाही एवढा रस्ता अरुंद झालेला आहे
व सदरचा चर हा धोकादायक अवस्थेत असुन सदर चरात वाहनचालक वा पादचारी पडुन मोठी दुर्घटना होण्याची शक्यता नाकारता येत नाही. त्यामुळे सदर चरावर
तात्काळ बांधकाम करुन सदर गटाराचे काम करणे अत्यंत आवश्यक आहे. पुढे पावसाळा येत असुन पावसाळ्यापुर्वी सदर गटाराचे काम होणे अत्यंत आवश्यक आहे
असे मत देखील ॲड. मनीष सातार्डेकर यांनी व्यक्त केले आहे.
तसेच भुमिगत विजवाहिनी तसेच भुमिगत गॅस पाईप लाईन घालण्यासाठी शहरातील सर्वच रस्ते खोदण्यात आलेले होते. सदरचे काम करते वेळी ठेकेदार करत असलेल्या कामावर वेंगुर्ला नगरपरिषदेचा कोणत्याही प्रकाराचा अंकुश नसल्याने ठेकेदार आपल्या मनमानीप्रमाणे रस्त्यांची खोदाई केलेली असुन खोदलेले रस्ते पुर्ववत करुन घेण्याची जबाबदारी हि वेंगुर्ला नगरपरिषदेची होती. परंतू वेंगुर्ला नगरपरिषदेने याकडे जाणीवपुवर्क दुर्लक्ष केल्याने रस्त्यांचे काम अतिशय निकृष्ठ दर्जाचे करण्यात आलेले आहे व खोदलेले रस्ते पुर्ववत करण्यात आलेले नाहीत. त्यामुळे ठिकठिकाणी रस्त्यांवर मोठ-मोठे खड्डे पडलेले असुन त्याचा प्रचंड त्रास वाहनचालक तसेच पादचाऱ्यांना होत आहे. त्यामुळे नगरपालिकेने याकडे गांभिर्याने लक्ष देवुन पावसाळ्यापुर्वी सदरचे रस्ते खड्डेमुक्त करावे. अन्यथा या खड्यांमुळे कोणाचा जीव गेल्यास त्यास केवळ वेंगुर्ला नगरपरिषद व संबंधीत अधिकारी हेच जबाबदार असतील असा इशारा देखील सामाजिक कार्यकर्ते ॲड.मनीष सातार्डेकर यांनी दिला आहे