🛑मुंबई गोवा महामार्गावर हळवल फाटा येथे माल वाहतूक ट्रकला अपघात ट्रक चे मोठे नुकसान.

🖋️लोकसंवाद /- कणकवली.

मुंबई गोवा महामार्गावरील हळवल फाटा येथे माल वाहतूक करणारा ट्रक पलटी झाला. काल मंगळवारी सायंकाळी सहाच्या सुमारास ही घटना घडली. गुजरात ते गोवा जाणाऱ्या या ट्रक चालकाला वळणाचा अंदाज आला नाही. हा ट्रक हळवल फाट्यावर पलटी झाला. ट्रकचा भरधाव असल्याने अपघातानंतर हा ट्रक रस्त्या लगतच्या मातीच्या ढिगाऱ्याला आदळला आणि आडवा झाला. यात ट्रकची पुढील चाके तुटून पडली होती. तसेच पुढील भागाचे मोठे नुकसान झाले आहे. या अपघाताची पोलीस ठाण्यात नोंद झाली नव्हती. दरम्यान आज या ट्रकमधील साहित्य दुसऱ्या वाहनातून गोवा येथे पाठविण्यात आले.