उपमुख्यमंत्री एकनाथ शिंदे यांच्या विरोधात आक्षेपार्ह गाणे तयार करणाऱ्या कुणाल कामरा ला आमदार निलेश राणे यांचा आक्रमक इशारा.

लोकसंवाद /- मुंबई.

शिवसेनेचे मुख्य नेते तथा राज्याचे उपमुख्यमंत्री एकनाथ शिंदे यांच्या विरोधात आक्षेपार्ह गाणे आणि विधान करणाऱ्या स्टॅन्डअप कॉमेडियन कुणाल कामरा याच्या विरोधात शिवसेना आक्रमक झाली आहे.शिवसेनेचे कुडाळ मालवणचे आमदार निलेश राणे यांनी कुणाल कामरा दिसला तिथे फटके टाकणार असा इशारा एक्स पोस्टवरून दिला आहे.स्टैंड अप कॉमेडियन कुणाल कामराने एक व्हिडीओ पोस्ट केला आहे.या व्हिडीओत त्याने उपमुख्यमंत्री एकनाथ शिंदेंवर विडंबन करणारे गाणे म्हटले आहे.या गाण्यात त्याने एकनाथ शिंदेंचा उल्लेख गद्दार असा केला आहे.हा व्हिडिओ संजय राऊत यांनी पोस्ट केला आहे.मात्र यामुळे शिवसैनिक चांगलेच आक्रमक झाले असून काल रात्री शिवसैनिकांनी द.युनिकॉन्टीनेंटेल हॉटेलमध्ये तोडफोड केली.दरम्यान,चहूबाजूंनी कुणाल कामरावर टीकेची झोड उठली असून आमदार निलेश राणे यांनी देखील कुणाल कामरा याला आक्रमक इशारा दिला आहे.