🛑राज ठाकरेंच्या शिवतीर्थावर तासभर खलबतं,भेटीचं नेमकं कारण गुलदस्त्यात? उदय सामंतांनी सांगितली ‘राज’ की बात.

✍🏼लोकसंवाद /- मुबंई .

आगामी स्थानिक स्वराज्य संस्थांच्या निवडणुकीआधी पुन्हा महायुती नेत्यांची राज ठाकरेंसोबत जवळीक वाढल्याचं चित्र पहायला मिळत आहे. अशातच राज्याचे उद्योगमंत्री उदय सामंत राज ठाकरे यांच्या भेटीला राज ठाकरेंच्या घरी दोन्ही नेत्यांच्यात जवळजवळ सव्वातास चर्चा झाली. अलीकडेच मुख्यमंत्री देवेंद्र फडणवीस हे राज यांच्या भेटीला त्यांच्या घरी गेले होते. त्यानंतर आता उदय सामंत शिवतीर्थावर पोहोचल्याने चर्चेला उधाण आलं होतं. अशातच भेटीनंतर उदय सामंत यांनी प्रतिक्रिया दिली आहे.

*काय म्हणाले उदय सामंत?*

मराठी भाषेला अभिजात दर्जा मिळाल्यानंतर त्यांना कार्यक्रमाच निमंत्रण देण्यासाठी आणि त्यांचे आभार मानण्यासाठी मी आलो होतो, असं उदय सामंत यांनी म्हटलं आहे. आज कोणतीही राजकीय चर्चा झाली नाही. राजकारणापलीकडे जाऊन राज ठाकरेंशी गप्पा मारल्या की आपल्या ज्ञानात भर पडते, असंही उदय सामंत म्हणाले. वैयक्तिक बैठकीत काय चर्चा होईल याचा अंदाज लावण योग्य नाही. पुण्यात मराठी भाषिकांच्या संमेलनाला उपस्थित राहण्याची विनंती मी राज ठाकरेंना केली होती. त्या विनंतीला मान देऊन त्यांनी संमेलनाला हजेरी लावली. त्याबद्दल आज त्यांचे आभार मानण्यासाठी मी भेट घेतली, असं उदय सामंत म्हणाले.