2 मार्चला कुडाळमध्ये इन्स्पायर सिंधुदूर्ग 2025 सायकलिंग स्पर्धेचे भव्य आयोजन.

25 किमी फन रेस सोबतच 60 किमी कोस्टल रोड रेसचे आयोजन 25 फेब्रुवारीपर्यंत नावनोंदणी..

सायकलिंग स्पर्धेच्या पोस्टरचे अनावरण करताना पालकमंत्री नितेश राणे व रविंद्र चव्हाण.

लोकसंवाद /- कुडाळ.

पेडल फाॅर हेल्थ पेडल फाॅर एनव्हायरमेंट या टॅगलाईनखाली सिंधुदुर्ग सायकलिस्ट असोसिएशन (CAS) व कुडाळ सायकल क्लब (KCC) यांचे संयुक्त विद्यमाने 2 मार्च रोजी बॅ.नाथ पै शिक्षण संस्था मैदान एम आय डी सी कुडाळ येथे इन्स्पायर सिंधुदुर्ग 2025 सायकलिंग स्पर्धेचे भव्य आयोजन करण्यात आले असल्याचे हाॅटेल स्पाईस कोकण येथील पत्रकार परिषदेत अध्यक्ष गजानन कांदळगावकर यांनी सांगितले.

यावेळी कुडाळ सायकल क्लबचे अध्यक्ष रूपेश तेली ,इव्हेंट चेअरमन शिवप्रसाद राणे , डॅा.बापू परब,प्रथमेश सावंत, सचिन मदने ,प्रमोद भोगटे ,अमोल शिंदे ,डाॅ सिध्दांत परब ,डाॅ अमोघ चुबे आदी उपस्थित होते.

*स्पर्धेचे स्वरूप*-
नवीन सायकलिस्टना प्रात्साहन देण्यासाठी 25 किमी ची फन राईड खुल्या वयोगटात होणार असून नोंदणी शुल्क रू.400 तर 60 किमी ची इलाईट सायकल स्पर्धा वयोगट पुरूष व महिलांसाठी 14 ते 40 असणार आहे तर 40 वर्षावरील सर्वांसाठी मास्टर वयोगट ठेवण्यात आली असून सर्व स्पर्धकांना हेल्मेट सक्तीचे आहे.स्पर्धेचे नोंदणी शुल्क कोस्टल रोड रेस साठीरू 1200 व 25किमी मास राईडसाठी 400 ठेवण्यात आले आहे. नोंदणीची मुदत 25 फेब्रुवारीपर्यंत असून प्रत्येक तालुक्यात विविध ठिकाणी नावनोंदणीचे अर्ज ठेवण्यात आले असल्याचे कुडाळ सायकल क्लबचे रूपेश तेली यांनी सांगितले.

यामध्ये शिव एंटरप्रायझेस व इन्स्पायर सायकल कुडाळ ,परब हाॅस्पिटल सुकळवाड,कनिष्क झेराॅक्स ओरोस, झांटये मेडिकल कट्टा,जनाई मेडिकल कणकवली ,शहा सायकल स्टोअर्स सावंतवाडी,शिवदत्त सावंत वेंगुर्ला, रामचंद्र चव्हाण मालवण ,संकेत नाईक दोडामार्ग ,एम पी सायकल देवगड,जयदीप पडवळ शिरोडा,संतोष टक्के वैभववाडी या ठिकाणी नावनोंदणी अर्ज ठेवण्यात आले आहेत.
*60 किमी सायकल स्पर्धेसाठी आकर्षक बक्षिसे*–
पुरूष खुला वयोगट 14 ते 40 साठी प्रथम रोख रू 21000 व चषक,द्वितीय रोख रू 15000 व चषक,तृतीय रोख रू 10000 ळ चषक, महिला खुला वयोगट (14 ते 40) प्रथम रोख रू 15000 व चषक,द्वितीय रोख रू 10000 व चषक,तृतीय रोख रू 7000 व चषक , मास्टर्स पुरूष गट वय 40 च्यावर प्रथम रोख रू 12000 व चषक,द्वितीय रोख रू 8000 व चषक,तृतीय रोख रू 5000 व चषक तर मास्टर्स महिला गट वय 40 च्यावर प्रथम रोख रू 10000 व चषक,द्वितीय रोख रू 5000 व चषक,तृतीय रोख रू 3000 व चषक अशी आकर्षक बक्षिसे असणार आहेत. सर्व सहभागी स्पर्धकांना प्रमाणपत्र देण्यात येणार आहे.
स्पर्धेस सहभागी सर्व स्पर्धकांना टी शर्ट दिले जाणार असल्याचे इव्हेंट चेअरमन शिवप्रसाद राणे यांनी सांगितले.

या भव्य सायकलिंग स्पर्धस भारतातील नामांकित सायकलिस्ट सहभागी होणार असल्याचे कुडाळ सायकल क्लबचे रूपेश तेली यांनी सांगितले. इच्छूक स्पर्धकांनी 25 फेब्रुवारी पर्यंत नावनोंदणी करावी असे आवाहन गजानन कांदळगावकर ,रूपेश तेली ,शिवप्रसाद राणे यांनी केले आहे.