सिंधुदुर्ग जिल्हा क्रिडा संकुलची अवस्था दयनीय प्रशासनाचे याकडे दुर्लक्ष.;ॲड. श्री.मनीष सातार्डेकर.

लोकसंवाद /- सिंधुदुर्ग.

सिंधुदुर्ग जिल्हा क्रिडा संकुलची अवस्था अतिशय दयनिय झालेली असुन प्रशासनाचे मात्र याकडे जाणीवपुर्वक दुर्लक्ष होत असल्याचा आरोप सामाजिक
कार्यकर्ते ॲड. श्री. मनीष सातार्डेकर यांनी केला आहे.
सिंधुदुर्ग जिल्हा क्रिडा संकुलची अवस्था अतिशय दयनीय झालेली आहे याचाच प्रत्यय दि. ११/०२/२०२५ रोजी सिंधुदुर्ग जिल्हा ॲथलॅटिक असोशिएशन
सिंधुदुर्ग यांच्यामार्फत जिल्हास्तरीय सब जुनीयर ॲथलॅटिक चॉम्पियनशिप २०२५ स्पर्धा जिल्हा क्रिडा संकुल येथे घेण्यात आल्या होत्या व या स्पर्धेसाठी संपुर्ण सिंधुदुर्ग
जिल्ह्यामधुन १ ते १४ वयोगटातील मुलगे व मुली यांच्या गटनिहाय विविध स्पर्धा घेण्यात आल्या होत्या व या स्पर्धेला मोठ्या प्रमाणावर सिंधुदुर्ग जिल्ह्यातील स्पर्धक
त्यांचे पालक, शिक्षक मोठ्या संख्येने उपस्थित होते. परंतु जिल्हा क्रिडा संकुल सिंधुदुर्ग येथे कोणत्याही सोयीसुविधा उपलब्ध नसल्याने जिल्ह्याभरातुन आलेल्या
स्पर्धकांचे तसेच पालक व शिक्षकांचे देखील अतोनात हाल झाले याचे कारण म्हणजे
सिंधुदुर्ग जिल्हा क्रिडा संकुल येथे स्वच्छतागृहांची कोणतीही सोय नाही. तसेच सदर
ठिकाणी मुला
मुलींना चेंजिंगरुम देखील उपलब्ध नाहीत त्यामुळे स्पर्धकांना
उघड्यावरच कपडे बदलावे लागत होते. तसेच स्वच्छतागृहांची सोय नसल्याने
स्पर्धकांना तसेच स्पर्धकांसोबत आलेल्या पालकांना व शिक्षकांना स्वच्छतागृहासाठी
वणवण फिरावे लागत होते व ही मोठी गंभीर बाब असुन जिल्हा क्रिडा संकुल येथे
साधे स्वच्छतागृह नसावे ही मोठी चाजीरवाणी गोष्ट आहे. आपण भारताने ऑलपिंक
स्पर्धेमध्ये मेंडल जिंकाव अशी अपेक्षा करतो परंतु त्यासाठी लागणाऱ्या सोयीसुविधा
यांच्याकडे मात्र जाणीवपुर्वक दुर्लक्ष होते ही मोठी खेदाची बाब आहे.
–
सिंधुदुर्ग जिल्ह्यामध्ये अतीशय प्रतिभावान खेळाडु आहेत परंतु योग्य
सोयीसुविधा मिळत नसल्याने त्याना योग्य मार्गदर्शन मिळत नाही व याला संबंधीत प्रशासन जबाबदार आहे याचे मुख्य कारण जिल्हा क्रिडा संकुलची अवस्था पाहुन लक्षात येते. त्यामुळे सिंधुदुर्ग जिल्हा क्रिडा संकुल येथे योग्य सोयीसुविधा उपलब्ध करुन दिल्यास जिल्ह्यातील स्पर्धकांना त्याचा फायदा होईल. त्यामुळे संबंधीत प्रशासनाने याची योग्यरित्या दखल घेवुन जिल्हा क्रिडा संकुल येथे योग्य सोयीसुविधा तात्काळ उपलब्ध करुन द्याव्यात अशी मागणी ॲड. मनीष सातार्डेकर यांनी केली
आहे. तसेच मा. पालकमंत्री महोदय यांनी याची योग्यरित्या दखल घेवुन जिल्हा
क्रिडा संकुल येथे योग्य सोयीसुविधा उपलब्ध करुन देण्याबाबत संबंधीत प्रशासनाला जरुरते आदेश द्यावेत अशी विनंती देखील सामाजिक कार्यकर्ते ॲड. श्री. मनीष सातार्डेकर यांनी प्रसिद्धी पत्रकातुन मा. पालकमंत्री महोदय यांना केलेली आहे.