🛑ॲमेझाॅन करिअर फ्युचर समिट या विशेष कार्यक्रमात सिंधुदूर्गच्या विद्यार्थी व शिक्षिकेचा विशेष सन्मान!

✍🏼लोकसंवाद /- देवगड.

सिंधुदुर्ग जिल्ह्यातील पर्यटन क्षेत्रात अग्रेसर तसेच प्रतिभावंत गाव कुणकेश्वरच्या तीन विद्यार्थ्यांनी – वैदेही वातकर महिका घाडी, रितू सावंत,– व त्यांच्या मार्गदर्शक शिक्षिका प्रीती प्रदीप नारकर माजी शिक्षिका कुणकेश्वर नं 1,सध्या शिक्षिका कवठी नं 1,ता. कुडाळ,यांना दिल्ली येथील पंचतारांकित हाॅटेल ताज मध्ये झालेल्या ॲमेझाॅन करियर फ्युचर समिट 2025 या देशपातळीवरील कार्यक्रमात प्रकल्प सादरीकरण करण्याची संधी मिळाली. यावेळी संपूर्ण देशातून विविध राज्यातून 17 शाळांची निवड करण्यात आली त्या शाळांचे विद्यार्थी व शिक्षक उपस्थित होते.

महाराष्ट्रातून ज्या दोन शाळांची निवड झाली सिंधुदुर्ग जिल्हयातील जि.प.शाळा कुणकेश्वर ता देवगड शाळेची निवड करण्यात आली.हि सर्वांसाठी अभिमानाची बाब आहे .अपार मेहनत व सृजनशीलतेच्या जोरावर “LFE,CEL,Amazon Future Engineering” आयोजित राज्यस्तरीय CS Hackathon स्पर्धेत top 10मध्ये येण्याचा मान जि प शाळा कुणकेश्वर नंबर एक या शाळेने 2024 मध्ये पुणे येथे झालेल्या स्पर्धेत मिळवला होता होता.या महत्त्वाच्या विजयामुळे त्यांना दिल्लीत झालेल्या भव्य आणि प्रतिष्ठित “अ‍ॅमेझॉन कार्निव्हल” Amazon Edu Summit या कार्यक्रमासाठी विशेष आमंत्रण मिळाले व विशेष म्हणजे या विद्यार्थ्यांचा व त्यांच्या शिक्षिकेचा प्रवास विमान प्रवास प्रवास, निवास आणि इतर सोयी-सुविधांचा खर्च लीडरशीप ऑफ इक्विटी संस्था ,अमेझाॅन फ्यूचर इंजिनिअर आणि कोड टू एनहान्स संस्था, यांचेकडून करण्यात आला.
*सिंधुदूर्ग डाएट व जि.प.शिक्षण विभागा चे विद्यार्थी व शिक्षिका सौ प्रीती नारकर यांनी मानले विशेष आभार*-
गेल्यावर्षी जिल्हा शिक्षण व प्रशिक्षण संस्था सिंधुदुर्ग, शिक्षण विभाग सिंधुदुर्ग Code to enhance learning, leadership for equity, Amazon future engineer यांचे संयुक्त विद्यमाने जिल्हास्तरीय हॅकाथाॅन स्पर्धेत शाळा व विद्यार्थी यांनी कोडींगचा वापर करून स्थानिक समस्या कशा सोडविता येतील या विषयावर प्रतिकृती सादर करण्याचे आवाहन करण्यात आले.यामध्ये जि.प.शाळा कुणकेश्वर शाळेच्या विद्यार्थी व शिक्षिका सौ प्रीती नारकर यांनी सहभाग घेतला आणि या संघाची निवड राष्ट्रीयपातळीवर झाली म्हणून दिल्ली येथील राष्ट्रीय कार्यक्रमात सहभागी होण्याचा बहुमान मिळाला याबद्दल सिंधुदूर्ग डाएट व जि.प.शिक्षण विभागाचे शिक्षिका सौ प्रीती नारकर यांनी आभार मानले.
*सादर केलेल्या प्रोजेक्टचे वैशिष्टय*–
कोडिंगचा उपयोग करून “*आपण दैनंदिन जीवनातील समस्या अशाप्रकारे सोडू शकतो*” यावर जि.प.शाळा कुणकेश्वर नं 1 ता देवगडच्या विद्यार्थीनी वैदेही हेमंत वातकर ,महिका दीपक घाडी,रितू आनंद सावंत, यांनी शिक्षिका सौ प्रिती नारकर यांच्या मार्गदर्शनाखाली प्रतिकृती सादरीकरण केली याची दखल अमेझाॅन फ्युचर इंजिनिअर व कोड टू एनहान्स लर्निंग संस्था व लीडरशीप फाॅर इक्विटी संस्था यांनी घेत देशातील सर्वोत्तम 17 शाळांच्या प्रतिकृतीमध्ये समावेश केला.ही बाब सिंधुदूर्गसाठी खुपच अभिमानाची आहे.
*विद्यार्थी ,शिक्षिका व प्रकल्प संचालक लीडरशिप फॉर इक्विटी यांचे एस आर दळवी फाऊंडेशन सिंधुदुर्गकडून कुडाळ येथे स्वागत*—
दिल्ली येथील कार्यक्रमावरून विमानाने पुन्हा सिंधुदुर्गात दाखल झालेल्या कुणकेश्वरच्या तीन विद्यार्थीनी व शिक्षिका सौ प्रीती नारकर व लीडरशीप फाॅर इक्विटी संस्था पुणेचे वरिष्टप्रकल्प संचालक श्री अमित गवळे यांचे पुष्पगुच्छ देवून कुडाळ येथे एस आर दळवी फाऊंडेशन( I) सिंधुदुर्गच्यावतीने जिल्हाध्यक्ष सचिन मदने यांनी अभिनंदन केले.
*कोडींगचा हॅकाथाॅन प्रकल्प यावर्षीपासून महाराष्ट्रात सुरू*-

महाराष्ट्रातील शिक्षकांसाठी महाराष्ट्र राज्य शैक्षणिक संशोधन परिषद पुणे ,पायजाम फाऊंडेशन यांचेमार्फत यावर्षी कोडींग हॅकाथाॅन प्रकल्प संपूर्ण महाराष्ट्रात सुरू करण्यात आला आहे. या अंतर्गत प्रत्येक जिल्ह्यातील निवडक शिक्षकांचे प्रशिक्षण आयोजित केले जाणार आहे.

या विद्यार्थ्यांना त्या प्रशालेच्या माजी मुख्याध्यापिका सौ सुप्रिया सनये मॅडम, वर्गशिक्षिका पाटील मॅडम, माझी शिक्षिका आरती घाडी मॅडम मुख्याध्यापक श्री लवटे सर शाळा कुणकेश्वर नं 1या सर्वांचे मार्गदर्शन लाभले.