कुडाळमधुन दोडामार्गात जाणाऱ्या अवैध वाळू वाहतूक करणारा डंपर ताब्यात 1 लाख 80 हजारांचा दंड..

लोकसंवाद /- दोडामार्ग.

कुडाळ येथून ओव्हरलोड व बेकायदेशीर रित्या गोव्याला वाळू वाहतूक करणाऱ्या डंपरला आज दोडामार्ग तहसीलदार अमोल पोवार व त्यांच्या टीमने ताब्यात घेत 1 लाख 80 हजार रुपये दंड ठोठावला आहे.कुडाळ नेरूरपार, चिपी,सोनवडे, कर्ली येथून बेकायदेशीर रित्या मोठ्या प्रमाणावर ओव्हरलोड चोरटी वाळू दोडामार्ग मार्गे गोव्याला मोठ्या प्रमाणात जात आहे.आज कुडाळ येथून दोडामार्ग मार्गे गोव्यालाहा डंपर ओव्हरलोड व बेकायदेशीररित्या वाळू वाहतूक करताना दोडामार्ग बाजारपेठ नजीक दोडामार्ग तहसीलदार अमोल पोवार यांना निदर्शनास आला.यावेळी तहसीलदार व त्यांच्या टीमने ही गाडी ताब्यात घेतली.चौकशी केली असता त्या गाडीत ओव्हरलोड वाळू असल्याचे निदर्शनास आले. यावेळी 1 लाख 80 हजार रुपयाचा दंड गाडी मालकाला ठोठावण्यात आल्याचे दोडामार्ग तहसीलदार अमोल पोवार यांनी सांगितले.