🛑सावंतवाडी खरेदी विक्री संघातर्फे भात खरेदीचा शुभारंभ,शेतकऱ्यांनी ई-पीक नोंदणी करुन शासकीय फायदे घ्यावेत.; प्रमोद गावडे.

✍🏼लोकसंवाद /- सावंतवाडी.

शेतकऱ्यांनी ई-पीक नोंदणी केली तरच शासकीय योजनांचा फायदा घेता येईल. भात हमीभावाने खरेदी करताना ई-पीक नोंदणी महत्त्वाची आहे. दलालांच्या तावडीतून शेतकऱ्यांची सुटका शासनाने केली आहे. त्याचा फायदा घ्यावा, असे आवाहन सावंतवाडी तालुका सहकारी खरेदी विक्री संघाचे अध्यक्ष प्रमोद गावडे यांनी केले.शासकिय आधारभूत किंमत भात खरेदी योजना अंतर्गत मळगाव येथे भात खरेदीचा शुभारंभ श्री. गावडे यांच्या हस्ते करण्यात आला. यावेळी ते बोलत होते. यावेळी व्हा. चेअरमन रघुनाथ रेडकर, संस्थेचे संचालक अभिमन्यू लोंढे, विनायक राऊळ, आत्माराम गावडे, ज्ञानेश परब, दत्ताराम कोळमेकर, प्रमोद सावंत, नारायण हिराप, शशिकांत गावडे, दत्ताराम हरमलकर, प्रविण देसाई, संस्थेचे व्यवस्थापक महेश परब, ग्रामपंचायत सदस्य श्री. सावळ, शेतकरी हेमंत राऊळ, एकनाथ मुळीक, सुनील नाईक, मारुती गावडे, महेश नाईक, अनिल मयेकर, नंदा सावळ, एकनाथ लातये, जनार्दन सावळ, कृष्णा राऊळ, तुकाराम कोरगावकर, रघुनाथ नाईक, सुभाष कुडव, औदुंबर सावंत, धर्माजी गावडे, प्रमिला राऊळ, मंजिरी सावंत आदी उपस्थित होते.

श्री. गावडे पुढे म्हणाले, भात खरेदी करीता शासनाने प्रती क्विंटल २३०० रूपये एवढा दर जाहीर केला आहे. भात खरेदी ऑनलाईन असलेमुळे, ज्या शेतकऱ्यांचे रजिस्ट्रेशन ३१डिसेंबर २०२४ पूर्वी होणार आहे अशाच शेतक-यांनी केंद्रावर भात विक्रीस आणावयाचे आहे. भात खरेदीची अंतिम तारीख ३१ जानेवारी २०२५ पर्यत राहील. सावंतवाडी तालुका सह. खरेदी विक्री मार्फत सावंतवाडी, मळगांव, मळेवाड, तळवडे, कोलगांव, मडूरा, डेगवे, इन्सूली व भेडशी येथे भात खरेदी केंद्रे सुरु करण्यात आली आहेत. तरी या योजनेचा सर्व शेतकऱ्यांनी लाभ घ्यावा, असे आवाहन त्यांनी केले. तसेच केंद्र व राज्य शासनाच्या विविध योजनांचा फायदा शेतकऱ्यांनी घेतला पाहिजे. तुमच्यासाठी सरकारने लोकप्रिय योजना राबविल्या आहेत. त्यासाठी दक्ष राहावे, असे ही ते म्हणाले.