🛑मराठी भाषेला अभिजात भाषेचा दर्जा मिळवून देण्यात शिक्षणमंत्री दीपक केसरकर यांचे मोठे योगदान.;ज्ञानेश्वर म्हात्रे.

✍🏼लोकसंवाद /- सावंतवाडी.

मराठी भाषेला अभिजात भाषेचा दर्जा मिळवून देण्यात शालेय शिक्षण मंत्री दीपक केसरकर यांचा सिंहाचा वाटा आहे. हा प्रस्ताव गेली अनेक वर्षे केंद्र सरकारकडे प्रलंबित होता, त्याचा पाठपुरावा मुख्यमंत्री उपमुख्यमंत्री यांच्यासोबत दिल्लीत जाऊन केला त्यामुळेच आज मराठी भाषेला अभिजात भाषेचा दर्जा मिळाला असे गौरवोद्गार कोकण शिक्षक मतदारसंघाचे आमदार ज्ञानेश्वर म्हात्रे यांनी काढले. ते शुक्रवारी सावंतवाडीत आले असता पत्रकारांशी बोलत होते. यावेळी शिक्षक संघटनेचे पदाधिकारी मोठ्या संख्येने उपस्थित होते.

म्हात्रे म्हणाले, ‘शिक्षण मंत्री म्हणून दीपक केसरकर यांनी अहोरात्र काम करून या पदाला न्याय मिळवून दिला आहे. शिक्षण व मराठी भाषा मंत्रालय लोकप्रिय केले. शिक्षकांचे अनेक प्रलंबित प्रश्न त्यांनी वेळोवेळी सोडवले. शिक्षकांच्या अनेक समस्या होत्या त्या मार्गी लावण्यासाठी त्यांनी कधी कधी कठोर भूमिका ही घेतली याचा मी एक साक्षीदार आहे. कंत्राटी शिक्षक भरती असो किंवा अन्य प्रश्न सोडवण्यात त्यांचा सिंहाचा वाटा आहे.

केंद्र सरकारकडून मराठी भाषेला अभिजात भाषेचा दर्जा देण्यात आला यासाठी मराठी भाषेचे मंत्री म्हणून दीपक केसर केलेला पाठपुरावा मी स्वतः बघितला आहे. मुख्यमंत्री शिंदे, दोन्ही उपमुख्यमंत्री यांच्या सोबत दिल्लीला गेल्यानतर ते सतत या विषयाच्या मागे लागायचे आणि विशेष म्हणजे अनेक वर्ष प्रलंबित असलेला हा निर्णय दोन महिन्यापूर्वीच केंद्र सरकारने घेतला. याला अंतिम मंजुरी देत मराठी भाषेला अभिजात भाषेचा दर्जा दिला आहे. हे आपल्या सर्व मराठी जणांसाठी कौतुकास्पद आहे पण या सगळ्या मागचे श्रेय ही एका कोकणातील एका मंत्र्यांचे आहे.ही बाब कौतुकास्पद आहे असे म्हात्रे यांनी यावेळी सागितले..