🛑राणेंनी मतांसाठी जनतेला पैसे वाटण्यापेक्षा दुग्ध व्यवसायिकांचे रखडलेले 2 कोटी 78 लाख 7500 रुपये अगोदर द्यावेत.;सतीश सावंत.

✍🏼लोकसंवाद /- कुडाळ.

मतांसाठी जनतेत पैसे वाटण्यापेक्षा माजी मुख्यमंत्री व खासदार नारायण राणे यांनी त्यांचे मुलगे आमदार नितेश राणे यांच्या प्रतिभा दूध डेअरीच्या माध्यमातून दुग्ध व्यावसायिकांचे रखडलेले सुमारे 2 कोटी 78 लाख 7 हजार 500 रुपये राणे यांनी दि. 18 नोव्हेंबरच्या अगोदर देऊन जिल्ह्यातील दूध उत्पादक शेतकऱ्यांना, सोसायटीला, व्यावसायिकांना सावरण्याचं काम करावे असे आवाहन उबाठा शिवसेनेचे जिल्हाप्रमुख सतीश सावंत यांनी कुडाळ येथील पत्रकार परिषदेत राणे यांना केले.

कुडाळ येथील उबाठा शिवसेनेच्या कार्यालयात सतीश सावंत यांनी पत्रकार परिषद घेतली यावेळी जिल्हाप्रमुख संजय पडते,जिल्हा बँकेचे संचालक विद्याप्रसाद बांदेकर,कुडाळ तालुका प्रमुख राजन नाईक ,कुडाळ शहर प्रमुख संतोष शिरसाट,बबन बोभाटे ,नगरसेवक सचिन काळप ,नगरसेवक उदय मांजरकर, उपजिल्हा प्रमुख अमरसेन सावंत ,राजू गवंडे , विनायक शिरसाट ,सुशिल चिदंरकर ,गुरू गडकर इतर पदाधिकारी उपस्थित होते.

यावेळी सतीश सावंत यांनी सांगितले की, 2017 पासून प्रतिभा दूध डेअरी जिल्हा दूध संघामार्फत जिल्ह्यामध्ये दूध कलेक्शन केलं होते. प्रतिभा दूध डेअरी व आमदार नितेश राणे यांच्या कडून जिल्ह्यातील दुग्ध व्यवसायिक व संबंधितांचे हे सुमारे दोन कोटी 78 लाख 7500 अजूनही मिळालेले नसून रखडलेले आहेत. यामध्ये आमदार नितेश राणे हे मध्यस्थ आहेत. त्यावेळी मी जिल्हा बँक अध्यक्ष होतो तसेच जिल्हा बँक संचालक विद्याप्रसाद बांदेकर होते त्यामुळे या विषयाची आम्हालाही माहिती आहे.

आता जिल्हा दूध संघावरती प्रशासक आहे आणि ह्या पैशाची वारंवार मागणी जिल्हा दूध संघाने प्रतिभा डेअरीकडे व त्यांचे जे मध्यस्थ नितेश राणे यांच्याकडे केलेली होती. मात्र वारंवार यामध्ये आश्वासन दिली जात आहेत.

2021 मध्ये जिल्हा नियोजन च्या बैठकीमध्ये हा विषय ज्यावेळी सभागृहात काढला गेला, त्यावेळी नारायण राणे यांचा राग अनावर झालेला होता. आणि त्या पैशाला मी जबाबदार आहे असे त्यांनी जिल्हा नियोजन बैठकीत सांगितलं होते. त्यानंतर या रखडलेल्या पैशासंदर्भात दि. 15 ऑगस्ट 2022 ला जिल्हा दूध संघाचे अध्यक्ष आणि संबंधित दुग्ध संस्था हे जिल्हाधिकारी कार्यालयाकडे उपोषणाला बसले असता नारायण राणे यांनी त्यावेळी एम. के. गावडे आणि या सर्व संस्थांना या पैशाला मी जबाबदार आहे, या संदर्भात वाहतूकदार तसेच इतर संबंधित व्यक्तिनीं मला फोन केले आहेत असे राणे यांनी सांगितले होते.

त्या अनुषंगाने या निवडणुकीमध्ये राणे यांचे दोन्हीही मुलगे उभे आहेत. त्यामुळे राणे यांनी मतदारांना पैसे वाटण्यापेक्षा या जिल्ह्यातील संस्था आहेत आणि जे सुमार 75 ते 80 वैयक्तिक दूध उत्पादक शेतकरी आहे यांचे दोन कोटी 78 लाख रुपये आहेत ते द्यावेत की जेणेकरून त्या दूध उत्पादक शेतकऱ्यांना मोठा दिलासा मिळेल.

नारायण राणे सांगतात की, या जिल्ह्याचा खऱ्या विकास केला, मी समृद्धी आणली, मी पालकत्व आहे. असे सांगणाऱ्या नारायण राणे यांनी रखडलेल्या पैशामुळे जे दूध उत्पादक शेतकरी रस्त्यावर आले आहेत त्यांना सावरावे.

राणे यांनी लोकसभेत आर्थिक ताकदीवरती जिंकण्याचा प्रयत्न केलेला आहे. त्यामुळे फक्त निवडणुका जिंकण्यासाठी जनतेचा वापर करणारे कुटुंबियांचे प्रमुख म्हणून तुम्ही जे दुधाचे पैसे आम्ही देऊ असे आश्वासन दिले आहे ते राणे यांनी 18 नोव्हेंबरच्या अगोदर पुर्ण करावे, आणि नंतरच राणे यांनी जिल्ह्यात दोन्ही मुलांसाठी मत मागण्याचा प्रामाणिक प्रयत्न करावा. परंतु येथील जनता आणि दूध उत्पादक शेतकरी हे सुज्ञ आहेत ते त्यांच्या निर्णय घेतील.

या रखडलेल्या पैशांमध्ये जिल्ह्यातील प्रामुख्याने माणगाव दूध संघ सुमारे 54 लाख 723 रुपये, आडेली सुमारे आठ लाख शुक्रवार शुक्रवार सुकळवाड सुमारे सात लाख 25 हजार, तळगाव सहा लाख 4 हजार रुपये तुळस सुमारे चार लाख रुपये तसेच इतर बऱ्याच संस्थांना पैसे दिले गेले नसून यामध्ये दूध वाहतूक ठेकेदार आठ जण असून यामध्ये भाजपचेही काही कार्यकर्ते आहेत यांचे 20 लाख 25 हजार रुपये रखडलेले आहेत

आता राणे माझ्यावर वैयक्तिक टीका करतील, जरूर माझ्यावर वैयक्तिक टीका करा पण या प्रतिभा डेअरीचे तुमच्या चिरंजीवाने जे पैसे द्यायचे आहेत ते अगोदर द्या असे ही सावंत यांनी सांगितले.
गाईला राज्य माता म्हणून जो काही दर्जा तुमच्या मंत्रिमंडळाने दिलाय, तेवढा तरी भारतीय जनता पक्षाने आदर ठेवावा आणि भारतीय जनता पक्षाने सुद्धा या राणे कुटुंबीयांना अशा प्रकारच्या सूचना देऊन हे राहिलेले 2 कोटी 78 लाख 7500 हजार रुपये दूध उत्पादक शेतकऱ्यांना देण्यात भाग पाडावे आणि त्यानंतरच गाईला राज्य माता म्हणून तिचा मान सन्मान त्यांनी करावा असे ही सावंत म्हणाले.
फोटो पत्रकार परिषदेत बोलताना सतीश सावंत यावेळी संजय पडते, संतोष शिरसाट, विद्याप्रसाद बांदेकर