🛑नेता नव्हे…कार्यकर्ताच! भर पावसात व्यासपीठ सोडून विशाल परब जनतेसाठी खाली उतरत लोकांमध्ये मिसळले!

✍🏼लोकसंवाद /- दोडामार्ग.

“तो आला…. त्याने पाहिले आणि…त्याने जिंकले” असे जेत्याबद्दल नेहमीच म्हंटले जाते. पण आज खरोखरच हे एका गर्दीने भरलेल्या कार्यक्रमामध्ये वास्तवात घडले! प्रसंग होता तो दोडामार्ग येथील श्रीमद वासुदेवानंद गोरक्षा समितीच्या गोशाळा उद्घाटनाचा! या कार्यक्रमासाठी नागरिकांची, विशेषतः महिलांची उपस्थिती मोठ्या संख्येने होती.पावसाची सुरुवात झाली तरीही यातील कोणीही आपल्या जागेवरून उठले नव्हते.गोपूजन झाल्यानंतर तिथे आलेल्या विशाल परब यांना व्यासपीठावर स्थानापन्न होण्याची विनंती आयोजकांनी केली.

पण..माझ्या मायमाऊली पावसात माझ्यासाठी बसल्या असताना मी व्यासपीठावर बसणार नाही असे सांगत व्यासपीठावरील मान्यवरांना त्यांनी खाली जनतेमध्ये येण्याची विनंती केली. ॲड अनिल निरवडेकर, चेतन चव्हाण, दिलीप भालेकर, सौ संध्या प्रसादी आदी मान्यवर विशाल परब यांना साथ देत पावसात उतरले. पुढच्या काही मिनिटातच समोरची गर्दी आणि विशाल परब एकमेकांमध्ये मिसळून गेले. सभोवतालच्या गर्दीचे मन त्यांनी काही क्षणातच जिंकलं. एक उदात्त कार्यक्रम सर्वांना एका उच्च भावनिक पातळीवर एकसंघ बनवून गेला.

पुढे सुरू झालेल्या संवादाला पावसाची पर्वा नव्हती,कोणालाही भिजण्याची भीती नव्हती, कारण त्यांचा युवा नेता त्यांच्यासाठी पावसात भिजत बोलत होता. गोशाळेसारखा चांगला उपक्रम विशाल परब राबवत आहेत याचे कौतुक करण्यासाठी शिवसेना उबाठाचे बाबुराव धुरी पक्षभेद विसरून त्या ठिकाणी उपस्थित राहिले. श्री विशाल परब यांच्या अर्धांगिनी सौ वेदिका परब यांनीही उपस्थित महिलांशी अगदी सहजतेने संवाद साधत सर्वांची मने जिंकली.

*पाऊस पडत होता…*

मी नेता नव्हे,तर तुमच्यातलाच एक सामान्य कार्यकर्ता आहे असे श्री विशाल परब म्हणत असले, तरी जनतेच्या मनात त्यांच्या भावनांशी समरस होणारा एक नेता प्रभावीपणे घडत होता!