🛑महाराष्ट्र राज्य प्राथमिक शिक्षक समिती शाखा कुडाळच्या वतीने रक्तदान शिबिर संपन्न..

✍🏼लोकसंवाद /- कुडाळ.

रक्तदान ही काळाची गरज ओळखून तरुणपिढीने पुढे आले पाहिजे असे प्रतिपादन महाराष्ट्र राज्य प्राथमिक शिक्षक समिती राज्य महासचिव राजन कोरगावकर यांनी आज रक्तदान शिबिरात केले समितीने गेली पंधरा वर्षे सातत्याने शिबिर राबवले असून आजच्या या शिबिराला 36 जणांनी रक्तदान करत उत्स्फूर्त प्रतिसाद लाभला.

महाराष्ट्र राज्य प्राथमिक शिक्षक समिती शाखा कुडाळच्या वतीने दरवर्षीप्रमाणे यंदाही  सामाजिक भावनेतून रक्तदान ही काळाची गरज ओळखून रक्तदान शिबिराचे आयोजन कुडाळ येथील महिला रुग्णालय येथे  करण्यात आले होते शिबिराचे उद्घाटन रोटरी क्लबचे सदस्य डॉ राजवर्धन देसाई यांच्या हस्ते मान्यवरांच्या उपस्थितीत पार पडले यावेळी समितीचे राज्य कार्यकारिणी सदस्य  सचिन मदने दादा जाभवडेकर समिती कुडाळ अध्यक्ष शशांक आटक सरचिटणीस महेश गावडे माजी पंचायत समिती सदस्य गुरुनाथ सडवेलकर चंद्रकांत अणावकर प्राथमिक शिक्षक पतपेढी अध्यक्ष विजय सावंत  नंदकुमार राणे प्रशांत वारंग  बाबाजी भोई शैलेंद्र न्हावेलकर स्वामी सावंत सुधीर सावंत महेश कुंभार अनंत गावकर राजेंद्र गोसावी श्रीकांत उगवेकर  मीरा गावडे संजना पेडणेकर सुगंधा अणावकर एकनाथ सावंत महेश सावंत सायली आटक दत्ता तवटे अनंत नवार अनुष्का जांभवडेकर ओरोस रक्तपेढी संक्रमणचे  वैद्यकीय अधिकारी  डॉ पल्लवी सुरवसे अधिपरीचारिका  प्रांजली परब मानसी सावंत कांचन परब ऋतुजा हरमलकर नंदकुमार आडकर नितीन गावकर समितीचे पदाधिकारी उपस्थित होते.

यावेळी बोलताना श्री कोरगावकर म्हणाले, महाराष्ट्र राज्य प्राथमिक शिक्षक समिती ही समाजात वावरताना सामाजिक भान ठेवून रक्तदान सारखी चळवळ गेली पंधरा वर्षे राबवीत आहे ही अन्यायाच्या विरोधात आवाज उठवणारी संघटना असून या संघटनेने सामाजिक बांधिलकी जोपासून रक्तदानासारखा स्तुत्य उपक्रम गेली पंधरा वर्षे राबविला जात आहे दुसऱ्याचे प्राण वाचवू हा दूरदृष्टीकोन ठेवूनच या रक्तदान चळवळीत  सर्वांचा सहभाग महत्त्वाचा आहे विशेषतः तरुण पिढी रक्तदानासाठी पुढे सरसावली पाहिजे असे सांगितले डॉ देसाई यांनी तुमच्यासारखे शिक्षक रक्तदान करतात समाजात शिक्षणदानाचे काम करतानाच रक्तदानसारखा  सामाजिक उपक्रम  गेली पंधरा वर्षे  राबवत असल्याबद्दल कौतुकास्पद  असल्याचे सांगितले  प्रास्ताविकात अध्यक्ष आटक यांनी महाराष्ट्र प्राथमिक शिक्षक समिती गेली अनेक वर्षे  विविध उपक्रम राबवत आहे अन्यायाच्या विरोधात आवाज उठवताना या समितीने सामाजिक बांधिलकीतून अनेक उपक्रम हाती घेतले आहेत  यापैकीच एक रक्तदान उपक्रम राबवला असून या शिबिराला रक्तदात्याचा उत्स्फूर्त प्रतिसाद मिळाला कार्यक्रमाचे सूत्रसंचालन सचिव महेश गावडे यांनी केले सर्व 36 रक्तदात्याना प्रमाणपत्र देण्यात आले.