🛑मालवणचे माजी नगराध्यक्ष महेश कांदळगावकर यांचा मुख्यमंत्री एकनाथ शिंदे यांच्या हस्ते शिवसेना शिंदे गटात प्रवेश..

✍🏼लोकसंवाद /- मालवण.

गेले काही महिने ठाकरे शिवसेनेपासून अलिप्त असलेले मालवणचे माजी नगराध्यक्ष श्री.महेश कांदळगावकर यांनी मुंबई ठाणे येथील संकल्प नवरात्रौत्सव मंडळाच्या कार्यक्रमात राज्याचे मुख्यमंत्री एकनाथ शिंदे यांच्या उपस्थितीत शिवसेना शिंदे गटात प्रवेश केला.मालवण शहरातील रखडलेली विकासकामे पूर्ण करण्यासाठी आपण ठाकरे शिवसेनेला रामराम ठोकून शिवसेनेत प्रवेश करीत असल्याचे श्री. कांदळगावकर यांनी म्हटले आहे.परंतु सुमारे अडीज वर्षापूर्वी मालवणचे लोकनियुक्त नगराध्यक्ष म्हणून यशस्वी काम केल्यानंतर काही काळ ते उद्धव ठाकरे शिवसेनेतून अलिप्त होते मध्येच त्यांनी जिल्ह्याचे पालकमंत्री रवींद्र चव्हाण यांची मालवणच्या विकास कामाबद्दल भेट घेतली होती.त्यावेळी ते भाजपात प्रवेश करतील अशी चर्चा होती मात्र नवरात्रीच्या शुभमुहूर्तावर त्यांनी मुख्यमंत्री एकनाथ शिंदे यांच्या कार्यप्रणालीवर प्रेरित होऊन संकल्प प्रतिष्ठानच्या नवरात्री देवीच्या ठिकाणी शिंदे गटात प्रवेश केला आहे.

यावेळी सिंधुदुर्ग रत्नागिरी प्रभारी तथा माजी आमदार रवींद्र पाठक सिंधुदुर्ग संपर्कप्रमुख दीपक वेतकर सिंधुदुर्ग युवा सेना जिहाप्रमुख ऋत्विक सामंत ,सिंधुदुर्ग युवती सेना जिल्हाप्रमुख सोनाली पाटकर शिवसेना माजी जिल्हा सचिव किसन मांजरेकर सौ.स्मृति कांदळगावकर उपस्थित होत्या.