🛑मराठी भाषेस अभिजात दर्जा मिळाल्याबद्दल आचरा ग्रामपंचायत कडून केंद्र सरकारचे ग्रामसभेत करण्यात आले अभिनंदन!

✍🏼लोकसंवाद /- आचरा,

केंद्र शासनाने मराठी भाषेस अभिजात दर्जा देऊन मराठी भाषेचा व महाराष्ट्राचा गौरव केला आहे ही बाब महाराष्ट्रासाठी अभिमानाची आहे याकरता ग्रामपंचायत आचरा तालुका मालवण कडून केंद्र शासनाचे अभिनंदन करण्याचा ठराव आज झालेल्या विशेष ग्रामसभेत घेण्यात आला . गावूडवाडी संभादेवी मंदिर येथे आचरा सरपंच जेराॅन फर्नांडिस यांच्या अध्यक्षतेखाली झालेल्या
या विशेष ग्रामसभेत
हा ठराव घेण्यात आला.यावेळी मराठी भाषेला अभिजात दर्जा मिळण्याच्या दृष्टीने प्राध्याप रंगनाथ पठारे समिती ने मराठी भाषेला अडीच हजार वर्षापासून चा इतिहास आहे हे पुराव्यानिशी सिद्ध केले असल्यामुळे प्राध्यापक रंगनाथ पठारे समितीचेही या वेळी अभिनंदन
करण्यात आले
यावेळी ग्रामविकास अधिकारी प्रकाश कदम,उपसरपंच संतोष मिराशी, ग्रामपंचायत सदस्य मुझफ्फर मुजावर,चंदू कदम,महेंद्र घाडी ,पंकज आचरेकर, किशोरी आचरेकर, सायली सारंग, पूर्वा तारी, अनुष्का गावकर यांसह माजी उपसरपंच पांडुरंग वायंगणकर, जयप्रकाश परुळेकर ,अशोक कांबळी ,सुरेश गावकर अभय भोसले गुरुप्रसाद कांबळी ,उदय घाडी,पोलीस पाटील जगन्नाथ जोशी नरेश गावकर ,शितल आचरेकर यांसह अन्य मान्यवर आदी उपस्थित होते.