🛑सिंधुदुर्ग जिल्हा परिषद परिसराबाहेर कामाचा ठेका मिळविण्यावरून हाणामारी..

✍🏼लोकसंवाद /- ओरोस.

सिंधुदुर्ग जिल्हा परिषद परिसराबाहेर चक्क कामाचा ठेका मिळविण्यासाठी एका ठेकेदाराकडून ठेका मिळवण्याच्या हेतूने बॉडीगार्ड उभे करण्यात आले असून बांधकाम विभागाच्या कार्यालयात जाणाऱ्या प्रत्येक व्यक्तीची तपासणी केली जात असल्याची चर्चा सिंधुदुर्ग जिल्हा परिषद कार्यालयात रंगू लागली आहे.सावंतवाडी तालुक्यातील एका शासकीय इमारतीची निविदा भरण्यासाठी येणाऱ्या नागरिकांची या बॉडीगार्ड कडून कसून चौकशी व तपासणी केली जात आहे अशी ही चर्चा जिल्हा परिषद परिसरात रंगू लागली आहे.मात्र बांधकाम विभागाच्या कार्यालयाबाहेर खाजगी बॉडीगार्ड उभे राहिल्याने भीतीचे वातावरण निर्माण झाले आहे.या घटनेनंतर घटनास्थळी पोलीस दाखल झाले असून या परिसरात वातावरण तंग झाले आहे.