🛑रत्नागिरी तालुका भंडारी समाज संघाची वार्षिक सर्वसाधारण सभा संपन्न..

✍🏼लोकसंवाद /- रत्नागिरी.

रत्नागिरी तालुका भंडारी समाज संघाची वार्षिक सर्वसाधारण सभा रविवार दिनांक २९ सप्टेंबर २०२४ रोजी भैरव मंगल कार्यालय खालची आळी रत्नागिरी येथे संघाचे अध्यक्ष श्री राजीव कीर यांच्या अध्यक्षतेखाली संपन्न झाली.यावेळी समाजाच्या हितासाठी अनेक धोरणात्मक निर्णय घेण्यात आले.शिक्षण आणि नोकरी या विषयावर चर्चा होवून भविष्यात समाजसंघाचे पदाधिकारी , गाव कमिटी सदस्य आणि आजीव सभासद यांच्या मार्गदर्शनाखाली कमिटी स्थापन करून तळागाळापर्यंत पोचून समाजाची प्रगती साधण्यासाठी प्रयत्न केला जाणार आहे.

भंडारी समाजाची अस्मिता असलेले महापुरुष मायनाक भंडारी,श्रीमान भागोजीशेठ कीर, धनंजय कीर यांचे कार्य पुढे नेण्यासाठी सर्वोतोपरी प्रयत्न केले जाणार आहेत.समाजाचे भवन उभारण्यासाठी सर्वांनी एकत्र येऊन काम करण्याचे ठरविण्यात आले.यावेळी संघाचे उपाध्यक्ष श्री कांचन मालगुंडकर, उपाध्यक्षा ऍड सौ प्रज्ञा तिवरेकर, कार्यवाह चंद्रहास विलणकर, अमृता मायनाक,खजिनदार राजेंद्र विलणकर,सहखजिनदार विजय बिर्जे, मुख्यसल्लागार राजेंद्र बिर्जे ,माजी अध्यक्ष रुपेंद्र शिवलकर यांच्यासह अनेक आजीव सभासद आणि कार्यकारिणी सदस्य उपस्थित होते.