🛑झारापच्या शेतकऱ्यांचा मुळदेत कृषी अभ्यास दौरा.

✍🏼लोकसंवाद /- कुडाळ.

डॉ. बाळासाहेब सावंत कोकण कृषी विद्यापीठ दापोली अंतर्गत येणाऱ्या उद्यानविद्या महाविद्यालय मूळदे येथे ग्रामीण उद्यानविद्या विद्यार्थी कडून कोकण कृषी विद्यापीठाने केलेल्या संशोधनाबद्दल माहिती करून घेण्यासाठी नुकताच कृषी अभ्यास दौरा झाला. शेतकऱ्यांनी याला उत्स्फूर्त प्रतिसाद दिला. उदयानविद्या महाविद्यालय मूळदे चे सहयोगी अधिष्ठता डॉ.प्रफुल्ल माळी यांच्या मार्गदर्शनाखाली या अभ्यास दौऱ्याचे आयोजन केले गेले होते या अभ्यास दौऱ्यात शेतकऱ्यांना महाविद्यालयात चालू असलेले डेरी फार्म, पोल्ट्री फार्म, हवामान वेधशाळा,शोभिवंत झाडे रोपवाटिका, फळबाग झाडे रोपवाटिका,मत्स्यपालन विभाग, तेलताड प्रकल्प,बागकाम प्रशिक्षण अशा अनेक उपक्रमाबद्दल माहिती देण्यात आली व शेतकऱ्यांच्या शंकांचे निराकरण करण्यात आले त्यासाठी महाविद्यालयाचे प्राध्यापक डॉ.आर.एम.देव्हारे ,डॉ.पि.पी. देबाजे डॉ. व्ही.एन. पालसांडे , डॉ.ए.पी पवार आणि शेठ यांनी शेतकऱ्यांना विविध विषयांवर मार्गदर्शन केले.तसेच महाविद्यालयाच्या प्रक्षेत्रावर लागवड केलेल्या विविध पिकांबद्दल माहिती देण्यात आली (नारळ, सुपारी,आंबा,काजू ,सोनचाफा,लिली,हळद ई.) या आयोजित केलेल्या कार्यक्रमामध्ये माती परीक्षणाबद्दलही मार्गदर्शन केले व त्यासोबतच शेतकऱ्यांनी केलेल्या माती परीक्षणाचे निकाल वितरित करण्यात आले.त्याचबरोबर चर्चासत्राचे आयोजन करण्यात आले होते,
त्यामध्ये डॉ.नितीन सावंत व डॉ. घुघुस्कर यांनी मत्स्यपालना विषयी मार्गदर्शन केले.या अभ्यास दौऱ्यामुळे शेतकऱ्यांना महाविद्यालयात चालू असलेल्या विविध उपक्रमाबद्दल माहिती घेता आली.यावेळी झाराप गावचे सरपंच दक्षता मेस्त्री,नरेंद्र बिड़ये, हर्षदा मेस्त्री,आणि कृषीदूत गटामध्ये मुणाल चौधरी, आदित्य सावंत,उत्कर्ष लोखंडे,सिद्धेश शिखरे,सुदेश रेवंडकर,विक्रम सिंह आणि शेतकरी उपस्थित होते.