🛑जिल्हा विधी सेवा प्राधिकरणच्या माध्यमातून जिल्ह्यातील सर्व न्यायालयांमध्ये 28 रोजी राष्ट्रीय लोकअदालत..

✍🏼लोकसंवाद /- सिंधुदुर्गनगरी.

राष्ट्रीय विधी सेवा प्राधिकरण,महाराष्ट्र राज्य विधी सेवा प्राधिकरण व जिल्हा विधी सेवा प्राधिकरण,यांच्यामार्फत शनिवार २८ सप्टेंबर रोजी राष्ट्रीय लोकअदालतीचे आयोजन करण्यात आलेले आहे. सन २०२४ या वर्षातील तिसरे लोक अदालत आहे. जिल्हयातील सर्व न्यायालयांतील तडजोडपात्र स्वरुपाची दिवाणी व फौजदारी प्रलंबित प्रकरणे तसेच दाखलपूर्व प्रकरणे तडजोडीसाठी राष्ट्रीय लोक न्यायालयात ठेवण्यात येणार आहेत. या लोक अदालतीमध्ये दिवाणी, तडजोडपात्र स्वरुपाची फौजदारी, कौटुंबिक वाद, मोटार अपघात भरपाई प्रकरणे, भूसंपादन आदी प्रकरणे ठेवावयाची असल्यास संबंधित वकिलांना कल्पना द्यावी किंवा अधिक माहितीसाठी जिल्हा विधी सेवा प्राधिकरण किंवा तालुका विधी सेवा समिती येथे संपर्क साधावा, असे आवाहन प्रमुख जिल्हा व सत्र न्यायाधीश एच. बी.गायकवाड यांनी केले आहे.

लोकअदालतीत तडजोड झाल्याने कायमस्वरुपी वाद मिटू शकेल, शुल्लक वादाचे पर्यावसन कायमस्वरुपी वादात होणार नाही, वैराने वैर वाढतच राहते असे होऊ नये, यासाठी सामंजस्य घडवावे हाच लोक अदालतीचा हेतू आहे. त्यामुळे लोक अदालतीचा सर्वांनी लाभ घ्यावा,असे आवाहन जिल् विधीसेवा प्राधीकरणकडून करण्यात आले आहे.