🛑उभादांडा येथील जय मांजरेकर यांच्याकडून फ्रेश SDP म्हणजे सिंगल डोनर प्लेटलेट्सची तातडीची मदत..

▪️दूर्मिळ रक्तगट असल्याने करावी लागली धावपळ,नातेवाईकांनी मानले जयचे आभार.

✍🏼लोकसंवाद /- समिल जळवी,सिंधुदुर्ग.

उभादांडा येथील जय मांजरेकर यांच्याकडून फ्रेश SDP म्हणजे सिंगल डोनर प्लेटलेट्सची तातडीची मदत एका पेशंट ला करण्यात आली.रक्तगट हा दूर्मिळ असल्याने थोडा त्रास झाला,धावपळ करावी लागली नातेवाईकांनी मानले जय मांजरेकर चे आभार मानले.गुरुवार दिनांक 01.08.2024.रोजी श्याम नाईक,साखळी (गोवा) या पेशंटला ह्रदय शस्त्रक्रियेच्या वेळी दूर्मिळ अशा बी निगेटीव्ह फ्रेश ब्लडच्या चार बॅग्जची तसेच फ्रेश SDP म्हणजे सिंगल डोनर प्लेटलेट्सची तातडीची गरज होती.दूर्मिळ रक्तगट असल्याने एकाचवेळी रक्तदाते मिळत नसल्याने पेशंटची बायपास शस्त्रक्रिया ठरल्यावेळी होणे शक्य होत नव्हते.पेशंटची धर्मपत्नी हवालदील होऊन बर्‍याच जणांना फोनाफोनी करुन रक्तदाते मिळविण्यासाठी याचना करीत होती.मोठ्या मुश्किलीने तिने दोन-तीन रक्तदाते गोळा केले होते.परंतु दुर्दैव तिचे असे की,कोणातरी एकाने तिला फोन करुन सांगितले की, हे येतायत ते रक्तदाते येऊनही काही उपयोग नाही,तुझ्या यजमानांची बायपास शस्त्रक्रिया आता होणार नाही.ती तर फारच हतबल होऊन बसली होती.परंतु परमेश्वर तिचा पाठीराखा होता,तिच्या सुदैवाने काल ज्या पेशंटची बायपास शस्त्रक्रिया झाली,त्या पेशंटची मुलगी शिल्पा गवस ही तिच्यासाठी देवासारखी धावून आली.

शिल्पा हिने ताबडतोब रक्तमित्र बाबली गवंडे यांच्याशी संपर्क साधताच त्यांनी प्रसंगाचे गांभीर्य ओळखून परबवाडा,वेंगुर्ला येथील आपले परममित्र, रक्तमित्र बाळकृष्ण उर्फ नाना राऊळ यांच्या कानावर ही गोष्ट घातली.वास्तविक पाहता नाना राऊळ यांनीच ही पोस्ट “आॅन काॅल रक्तदाते” समूहावर पाठविली होती. त्यामुळे या पोस्टचा ते सतत पाठपुरावा करीत होते.त्यामुळे त्यांनी आपले खास परममित्र जय मांजरेकर यांना रक्तदानासाठी GMC ला सापाठविले.पण काहीतरी विपरीत घडते आहे.हे लक्षात येताच नाना राऊळनी प्रथम पेशंटच्या पत्नीला फोन केला आणि त्या भगिनीला धीर दिला व थेट जीएमसी रक्तपेढी मधील श्रेया सरवणकर यांच्याशी संपर्क साधून वस्तुस्थिती जाणून घेतली.त्यावेळी श्रेया मॅडम् यांनी नाना राऊळना सांगितलं की,असं काही नाही आहे.पेशंटला हाॅस्पिटलमधून कोणीही तुझे आॅपरेशन पुढे ढकलणार असे सांगितलेले नाही. आणि पुरेसे रक्तदाते मिळालेले आहेत.फक्त एक युनिट एसडीपी प्लेटलेट्सची आवश्यकता आहे.

ताबडतोब नानांनी आपले मित्र,यापूर्वी जवळपास सात-आठ वेळा रक्तदान केलेले रक्तदाते जय मांजरेकर (उभादांडा) यांच्याशी सिंगल डोनर प्लेटलेट दान करीता संपर्क साधला असता ते ताबडतोब GMC ला जाण्यासाठी तयार झाले आणि GMC मध्ये आपल्या एका साथीदाराला सोबत घेऊन गेले आणि या *जय मांजरेकर, यांनी आपल्या आयुष्यातील प्रथमच संस्मरणीय असे SDP प्लेटलेट्सदान केले. खरं तर SDP प्लेटलेट्सदान ची प्रक्रिया जवळपास सव्वा ते दीडदोन तास चालते.आपल्या साथीदाराबरोबर वेंगुर्ला ते बांबोळी अंतर थोडक्या वेळेतच गाठून SDP प्लेटलेट्स दान करणे, ही फार मोठी कठीण गोष्ट आहे.पण नाना राऊळ यांनी विनंती केल्यानंतर जय मांजरेकर क्षणाचाही विचार न करता GMC ला पोहोचले आणि त्यांनी हे अतुलनीय कार्य करुन रुग्णाचा जीव वाचवला.जयजी, आपल्या सत्कार्यास शतवार मानाचा मुजरा.*

एकूणच या संपूर्ण घडामोडींविषयी बाळकृष्ण उर्फ नाना राऊळ यांना समजताच त्यांनी समयसूचकता दाखवून रुग्णाचे अमूल्य प्राण वाचविण्यासाठी जी धावपळ केली,त्यामुळे GMC रक्तपेढीच्या अधिकारी श्रेया सरवणकर मॅडम सुद्धा खूपच प्रभावित झाल्या आणि त्यांनी “नाना! तुमच्या अतुलनीय योगदानाबद्दल मी खरोखर कृतज्ञता व्यक्त करते.” असे भावपूर्ण उद्गार व्यक्त केले.तर एकूणच या घडलेल्या घडामोडीतून आपल्या जीवनसाथीला वेळेवर रक्तपुरवठा झाल्यामुळे पेशंटच्या पत्नीने साश्रू नयनांनी रक्तदात्याचे, त्याला सोबत घेऊन जाणार्‍या साथीदाराचे, GMC रक्तपेढीचे आणि प्रयत्न करणार्‍या सर्वांचेच आभार मानले.