🛑भारतीय जनता पार्टीची जिल्हा कार्यकारणी बैठक संपन्न..

✍🏼लोकसंवाद /- सिंधुदुर्ग.

भारतीय जनता पार्टीच्या जिल्हा कार्यकारिणीची बैठक कुडाळ येथील महालक्ष्मी हॉल येथे २६ जुलै रोजी संपन्न झाली.या बैठकीला व्यासपीठावर पालकमंत्री रवींद्र चव्हाण, प्रदेश सरचिटणीस विक्रांत पाटील, प्रदेश उपाध्यक्ष अतुल काळसेकर, जिल्हाध्यक्ष प्रभाकर सावंत, माजी खासदार निलेश राणे, आमदार नितेश राणे,आमदार निरंजन डावखरे, माजी आमदार राजन तेली, अजित गोगटे, कोकण संघटन मंत्री शैलेंद्र दळवी, महिला जिल्हाध्यक्ष श्वेता कोरगावकर, जिल्हा बँक अध्यक्ष मनीष दळवी,जिल्हा सरचिटणीस रणजीत देसाई, महेश सारंग, अशोक सावंत, संजु परब उपस्थित होते.

दिनांक २१ जुलै रोजी पुणे बालेवाडी येथे झालेल्या राज्यस्तरीय अधिवेशनात राज्यातील प्रत्येक जिल्ह्यात जिल्हास्तरीय व मंडल स्तरीय अधिवेशन आयोजित करण्याचा निर्णय घेण्यात आला. सिंधुदुर्ग जिल्ह्यात ऑगस्टच्या पहिल्या आठवड्यात जिल्हास्तरीय व प्रत्येक मंडळ निहाय अधिवेशन करण्याचे निश्चित करण्यात आले असून त्याचे नियोजन करण्यासाठी ही जिल्हा कार्यकारणी आयोजित करण्यात आली होती. या बैठकीमध्ये पंतप्रधान नरेंद्र मोदी हे सलग तिसऱ्यांदा भारताचे पंतप्रधान झाल्याबद्दल तसेच लोकसभा निवडणुकीमध्ये विजयी झाल्याबद्दल खासदार नारायणराव राणे व विधान परिषद निवडणुकीमध्ये विजय झाल्याबद्दल आमदार निरंजन डावखरे यांच्या अभिनंदनाचा ठराव करण्यात आला. कोकण विभागातील पाच लोकसभा मतदारसंघांमध्ये महायुतीच्या उमेदवारांच्या विजयात महत्त्वाची भूमिका बजावणाऱ्या पालकमंत्री रवींद्र चव्हाण व नवनिर्वाचित आमदार निरंजन डावखरे यांचा जाहीर सत्कार करण्यात आला. यावेळी सिंधुदुर्ग जिल्ह्यातील तीनही विधानसभा मतदारसंघांमध्ये महायुतीच्या माध्यमातून भारतीय जनता पार्टीच्या उमेदवारांना उमेदवारी मिळावी अशी मागणी पदाधिकाऱ्यांनी केली. यावेळी सिंधुदुर्ग जिल्ह्यातील भारतीय जनता पार्टीचे बहुसंख्य पदाधिकारी व कार्यकर्ते उपस्थित होते.