🛑रिक्त शिक्षक पदावर स्थानिक उमेदवारांना शिक्षण सेवक म्हणून घ्या.;धरणे आंदोलनात डी.एड पदविकाधारक उमेदवारांची मागणी.

✍🏼लोकसंवाद /- ओरोस.

सिंधुदुर्ग जिल्ह्यात होणाऱ्या शिक्षकांच्या भरतीत रिक्त असलेल्या पदावर स्थानिक बेरोजगार उमेदवारांना सरसकट शिक्षण सेवक म्हणून सामावून घेण्यात यावे. या मागणीसाठी आज डीएड बेरोजगार संघटना समितीच्या वतीने जिल्हा परिषदेसमोर धरणे आंदोलन करण्यात आले. तब्बल १२ वर्षे भरती प्रक्रिया न राबवल्यामुळे स्थानिक बेरोजगारांचे आयुष्य देशोधडीला लागले आहे. त्यामुळे याबाबत योग्य ती भूमिका घ्या. स्थानिक डेड पदविकाधारक बेरोजगारांचा प्रश्न सोडवा, अशी मागणी यावेळी करण्यात आली.यावेळी विविध मागण्यांचे निवेदन प्रशासनाला सादर करण्यात आले.

यावेळी बेरोजगार संघर्ष समितीचे अध्यक्ष विजय पाले, सचिव सहदेव पाटकर आदींसह डीएड बेरोजगार मोठ्या प्रमाणात उपस्थित होते.