🛑१० वी १२ वी पदविका पदवी आणि पदव्युत्तर अभ्यासक्रमामध्ये यशस्वी झालेल्या मुस्लिम समाजातील विद्यार्थ्यांचा गौरव सोहळा संपन्न..

✍🏼लोकसंवाद /- अमिता मठकर,कुडाळ.

सिंधुदुर्ग मिल्लत फाउंडेशन, कुडाळ, सिंधुदुर्ग यांचे वतीने सिंधुदुर्ग जिल्ह्यातील १० वी, १२ वी, पदविका, पदवी आणि पदव्युत्तर अभ्यासक्रमामध्ये यशस्वी झालेल्या मुस्लिम समाजातील विद्यार्थ्यांचा दिमाखदार गौरव सोहळा रविवार दिनांक 23/06/2024 रोजी मराठा समाज हॉल, कुडाळ येथे आयोजित करण्यात आला होता.

निकोप समाजाच्या जडणघडणीसाठी समाज सुशिक्षित असला पाहिजे. विवीध क्षेत्रातील संधी आपली वाट पहात आहेत, केवळ आपण शैक्षणिक अर्हता संपादन केली पाहीजे, सोशल मीडियाचा मर्यादित वापर आणि इंटरनेट द्वारे विवीध ज्ञानाच्या संधींचा आपण फायदा घेतला पाहीजे, स्पर्धा परीक्षा हे देखील आपल्याला सिद्ध करणारे एक प्रभावी माध्यम आहे, असे प्रतिपादन प्रमुख वक्त्या पोलीस इन्स्पेक्टर रूणाल मुल्ला यांनी यावेळी मार्गदर्शन करताना केले.

संत राऊळ महाराज कॉलेज, कुडाळ चे प्राध्यापक डॉ. अर्षद हुसेन आवटे यांनी प्रास्ताविक केले. व्यासपीठावर उपस्थित प्रमुख पाहुणे पोलीस इन्स्पेक्टर रूणाल मुल्ला, उद्योजक श्री. अब्बास आदम खुल्ली, उद्योजक श्री. मुश्ताक शेख यांनी यशस्वी विद्यार्थ्यांना पुढील वाटचालीसाठी शुभेच्छा दिल्या.

यावेळी ५० पेक्षा अधिक यशस्वी विद्यार्थ्यांना प्रमाणपत्र, सन्मानचिन्ह आणि भेटवस्तू देत सन्मानीत करण्यात आले.

यावेळी माजी नगरसेवक श्री. एजाज नाईक यांनी सिंधुदुर्ग मिल्लत फाउंडेशन द्वारे सुरू असलेल्या उपक्रमांची माहीती दिली. पेशंट बेड, व्हील चेअर, वॉकर इत्यादी आवश्यक साहित्य गरजू पेशंट्सना पुरवीणे, रक्तदान शिबिरांचे आयोजन आणि वैद्यकीय सुविधा पुरविणे इत्यादी महत्वाची उद्दिष्टे समोर ठेवून सिंधुदुर्ग मिल्लत फाउंडेशन कार्यरत असल्याचे त्यांनी विषद केले.

यावेळी श्री. हाफीज जहेज शेख, सज्जाद शेख, आदिल शाह, फारूक दोस्ती, अब्बामोहम्मद दोस्ती, सादिक मेमन, राहिल शाह, नियाज शाह, शेहजाद शाह, श्री. साजिद दोस्ती, श्री. मुबीन दोस्ती, अनीस दोस्ती, मकसूद खान, शाहरूख चौधरी, अय्याज दोस्ती आणि पालक वर्ग बहुसंख्येने उपस्थित होते.