🛑शिवसेना उपनेते गौरीशंकर खोत यांनीची घेतली खासदार नारायण राणे यांची घेतली सदिच्छा भेट!शिवसेना उबाठा गटात उडाली खळबळ.?

✍🏼लोकसंवाद /- मुंबई.

भारतीय जनता पार्टीचे नेते तथा माजी केंद्रीय मंत्री,रत्नागिरी सिंधुदुर्ग लोकसभा मतदारसंघाचे नवनिर्वाचित खासदार नारायण राणे व आमदार नितेश राणे यांची शिवसेना उपनेते गौरीशंकर खोत यांनी मुंबई येथे सदिच्छा भेट घेतली. या भेटीमुळे शिवसेना उबाठा गटात जोरदार खळबळ उडाली आहे. या भेटीमुळे लवकरच गौरीशंकर खोत भाजपात प्रवेश करणार असल्याची राजकीय वर्तुळात चर्चा रंगली आहे.एकेकाळचे माजी केंद्रीय मंत्री राणेंचे कट्टर समर्थक म्हणून ओळखले जात असलेले शिवसेना (उबाठा) उपनेते गौरीशंकर खोत काही वर्षांपासून शिवसेनेत कार्यरत आहेत. मात्र, अचानक आज माजी केंद्रीय मंत्री नारायण राणे यांची भेट घेत त्यांच्या पुढील वाटचालीस शुभेच्छा दिल्या. तसेच आमदार नितेश राणे यांच्या वाढदिवसानिमित्त पूर्वसंध्येला पुष्पगुच्छ देऊन शुभेच्छा दिल्या आहेत. त्यामुळे आगामी काळात गौरीशंकर खोत काय निर्णय घेणार? याकडे सर्वांचे लक्ष लागले आहे. मात्र, या भेटीमुळे चर्चा सर्वत्र रंगली आहे.