🛑कुडाळ शिवाजी पार्क येथून पोलिसांची बुलेट गाडी चोरीस गेल्याने खळबळ..

✍🏼लोकसंवाद /- कुडाळ.

कुडाळ शहरातील प्रसिध्द असा शिवाजी पार्क या गृनिर्माण प्रकल्प येथून पोलिसांची बुलेट गाडी चोरीस गेल्याने एकच खळबळ उडाली आहे.पोलीस कर्मचारी असलेले श्री.अनिल पाटील यांची कुडाळ-शिवाजी पार्क येथून दुचाकी बुलेट गाडी चोरीस गेली आहे.बुलेट गाडी चोरून नेताना चोरटा हा सीसीटीव्ही कॅमेऱ्यात कैद झाला आहे.मात्र त्या चोरट्याने रात्रीच्या वेळी आपला चेहरा दिसता कामा नये म्हणून हेल्मेट घातले होते.

१२ जून रोजी मध्यरात्रीनंतर पहाटे पावणेतीन वाजण्याच्या सुमारास शहरातील शिवाजी पार्क येथून कुडाळ बाजारपेठ,ओटवणेकर तिठा, लक्ष्मी मंदिर, आर. एस. एन. हॉटेलकडून मुंबई-गोवा महामार्गावर तो चोरटा बुलेट घेऊन पसार आला.मात्र,त्यानंतर महामार्गावरील कुठल्याच ‘सीसीटीव्हीमध्ये तो कैद झालेला नाही.त्यामुळे त्यानंतर ती बुलेट टेम्पोतून पुढे वाहतूक करण्यात आल्याचा संशय पोलिसांना आहे.गोवा व कर्नाटक राज्यात गाड्या हातोहात चोरणाऱ्या टोळ्या असून त्यांचाच या चोरीमागे असण्याची शक्यता आहे.पावसाळ्यात चोरीचे प्रमाण हे ईतर महिन्यांपेक्षा जास्त असते.आता पावसाळा सुरू झाला आहे.याचा फायदा घेत चोरटे हे पावसाचा फायदा घेत चोरीच्या शोधत असणार यासाठी या चोरांना पकडण्यासाठी पोलिसांना मोठे आवाहन असणार आहे.

श्री.अनिल पाटील हे आपल्या ताब्यातील बुलेट ते राहत असलेल्या शहरातील शिवाजी पार्क कॉम्प्लेक्सबाहेर उभी करून रात्री साडेनऊ वाजता घरात गेले होते.चोरट्याने ज्या मार्गाने दुचाकी बाहेर काढली, तो रस्ता व चौक कधीही, कोणी फिरकू शकतो, असा आहे, तरीही दुचाकी बाजारपेठेतून बाहेर नेण्यात आली. शहर झोपी गेले असताना ही चोरी पद्धतशीरपणे करून शहरातील रस्त्यांची व महामार्गाची पूर्ण माहिती घेऊनच दुचाकी बाहेर नेण्यात आली. हॉटेल आर. एस. एन. नंतर ही बुलेट कोणत्याच सीसीटीव्हीमध्ये कैद झाली नाही.याबाबत पोलिसांचा कसून तपास सुरू आहे.