🛑वेंगुर्लेत मांडवी खाडीत पोहण्यासाठी उतरलेला १६ वर्षीय मुलगा पाण्याचा अंदाज नसल्याने बुडाला.._

✍🏼लोकसंवाद /- वेंगुर्ला.

मोरगाव येथील १६ वर्षीय मुलगा आज मंगळवारी दुपारी २ वाजण्याच्या सुमारास पोहताना पाण्याचा अंदाज नसल्याने बुडाला असून त्याच्या सोबत असलेला दुसरा मुलगा सुदैवाने खाडीत असलेल्या मच्छीमारामुळे बचावला आहे. या प्रकारामुळे एकच खळबळ उडाली आहे.तळवडा येथे आपल्या मामा कडे हा मुलगा आला होता. आज मावशी सोबत वेंगुर्ले येथे फिरण्यासाठी गेला होता. झूलत्या पुलानजिक असलेल्या पाण्यात पोहण्याचा मोह त्यांना आवरला नाही. त्यामुळे दोघे हे लहान मुलगे पोहण्यासाठी पाण्यात उतरले. मात्र त्यांना पाण्याचा अंदाज न आल्याने ते बुडू लागले. त्यावेळी दाजी बटवलकर या मच्छीमार बांधवाने एकाला वाचवले. मात्र दुसरा पाण्याच्या प्रवाहाबरोबर बुडाला आहे. त्याचा शोध सध्या खाडी पत्रामध्ये सुरू आहे.