🛑राष्ट्रवादी शरद पवार गटाची लोकसभेसाठी पहिली यादी जाहीर..

✍🏼लोकसंवाद /- मुंबई.

राष्ट्रवादी शरद पवार गटाची लोकसभेसाठी आज पहिली यादी जाहीर झाली.असून यामध्ये सुप्रिया सुळे यांच्यासह अमोल कोल्हे, निलेश लंके यांच्या आणखी काही नेत्यांची नावे या यादीत आहेत.पत्रकार परिषदेत शरद पवार गटाचे प्रदेशाध्यक्ष जयंत पाटील यांनी ही माहिती दिली.

महाविकास आघाडीतील ठाकरे गटानं १७ उमेदवारांची यादी आधीच जाहीर केली आहे. त्यापाठोपाठ आज राष्ट्रवादी शरद पवार गटाने काही नावांची घोषणा केली आहे.गेल्या अनेक दिवसांपासून शरद पवार गटाच्या उमेदवारांच्या पहिल्या यादीच्या प्रतिक्षेत होता.आज ही यादी मिळाल्यानंतर कार्यकर्त्यांनी आपआपल्या मतदारसंघात आनंदोत्सव साजरा केला आहे.

यामध्ये बारामती लोकसभा मतदारसंघातून सुप्रिया सुळे, शिरुर लोकसभा मतदारसंघातून डॉ. अमोल कोल्हे, वर्धा लोकसभा मतदारसंघातून अमर काळे, दिंडोरी मधून भास्करराव भगरे तर नीलेश लंके यांना अहमदनगर लोकसभा मतदारसंघातून उमेदवारी देण्यात आली आहे. जयंत पाटील यांनी या नावांची घोषणा केली.