🛑इंटरनॅशनल मॅथेमॅटिक्स व सायन्स ऑलिम्पियाड परीक्षेत प्राविण्य प्राप्त विद्यार्थ्यांचे कौतुक संपन्न..

✍🏼लोकसंवाद /- कुडाळ.

इंटरनॅशनल मॅथेमॅटिक्स ऑलिम्पियाड (IMO) व इंटरनॅशनल सायन्स ऑलिम्पियाड (ISO) परीक्षा इयत्ता- 7वी व 8वी दिनांक 30 नोव्हेंबर 2023 रोजी घेण्यात आली होती. सदर परीक्षेमध्ये एस. एल. देसाई विद्यालय पाट तालुका- कुडाळ या शाळेतील इ. 8वी तील कुमार- शुभंकर संदेश नाईक व कुमारी- दिया निलेश सामंत या विद्यार्थ्यांना गोल्ड मेडल प्राप्त झाले आहे. याशिवाय गणित मध्ये 6 विद्यार्थी तर विज्ञान मध्ये 2 विद्यार्थ्यांनी विशेष प्राविण्य प्राप्त केले.

सदर विद्यार्थ्यांना मेडल व प्रमाणपत्र देऊन गौरविण्यात आले. या विद्यार्थ्यांना श्री. कांबळे विनायक सुभाना व इतर गणित शिक्षकांचे मार्गदर्शन लाभले. शाळेचे मुख्याध्यापक श्री. कोरे शामराव पांडुरंग, पर्यवेक्षक श्री. हंजनकर राजू सोमाजी , सर्व शिक्षक व विद्यार्थी यांच्या उपस्थितीत अभिनंदन करण्यात आले. विद्यालयाच्या इतिहासातील प्रथम बहुमान असल्याने संस्था पदाधिकारी व सर्व पालक वर्गातून या विद्यार्थ्यांचे कौतुक होत आहे.