🛑आक्षेपार्ह स्टेटस ठेवणाऱ्या त्या महिलेला दोन दिवसांची कोठडी..

✍🏼लोकसंवाद /- कणकवली.

आक्षेपार्ह स्टेटस ठेवणाऱ्या ‘त्या’ महिलेला दोन दिवसांची पोलीस कोठडी सुनावण्यात आली आहे.तिच्यावर भादंवि कलम २९५ नुसार गुन्हा दाखल करण्यात आला आहे.मूळ देवगड येथे राहणारी ती महिला कासार्डे बाजारपेठ येथे मच्छी विक्रीचा व्यवसाय करते.तिने आपल्या मोबाईलवर ठेवलेला स्टेटस आक्षेपार्ह असल्याची बाब लक्षात येताच कासार्डे येथील वातावरण तणावपूर्ण झाले होते.

काल सायंकाळी उशिरा कासार्डे येथे राजकीय पक्षाचे पदाधिकारीही मोठ्या संख्येने गोळा झाले होते.त्यानंतर कणकवली पोलिसांनी काल रात्री कासार्डे येथे धाव घेत परिस्थिती नियंत्रणात आणली.दरम्यान देवगड तालुक्यातील त्या महिलेवर गुन्हा दाखल करून तिला अटक करण्यात आली.तिला २ दिवसांची पोलीस कोठडी सुनावण्यात आली आहे. याप्रकरणी पोलीस हवालदार चंद्रकांत झोरे यांनी फिर्याद दिली.