🛑न्यू लाईफ ग्रेस मिनिस्ट्रीज सिंधुदुर्ग यांच्यावतीने ओरोस येथे झालेल्या आरोग्य शिबिरास उस्फूर्त प्रतिसाद..

▪️शिबिराचा सुमारे 120 हून अधिक लोकांनी घेतला लाभ..

✍🏼लोकसंवाद /- ओरोस.

न्यू लाईफ ग्रेस मिनिस्ट्रीज सिंधुदुर्ग यांच्यावतीने व आरोग्य विभाग जिल्हा परिषद सिंधुदुर्ग यांच्या सहकार्याने मंगळवार दिनांक १६ जानेवारी २०२४ रोजी सियोनगड,ओरोस येथे आरोग्य शिबिर उत्स्फूर्त प्रतिसादामध्ये पार पडले.आरोग्य शिबिराचं अध्यक्ष पद पंचायत समिती माजी सदस्या सौ.सुप्रिया वालावलकर यांनी भूषविले.तसेच प्रमुख पाहुणे म्हणून सामाजिक कार्यकर्ते श्री संतोष वालावलकर व ओरोस गावचे पोलीस पाटील श्री भगवान कदम हे देखील उपस्थित होते.

या आरोग्य शिबिरास डॉ दत्तात्रय देसाई, डॉ सोनाली गोरे, डॉ नागावकर हिंद लॅब ओरोस चे श्री परब व प्राथमिक आरोग्य केंद्र कसाल चे कर्मचारी उपस्थित होते. या आरोग्य शिबिरामध्ये सर्व प्रकारच्या रक्त चाचण्या,उच्च रक्तदाब ,मधुमेह,दंतचिकित्सा व इतर तपासण्या मोफत करण्यात आल्या व आवश्यकतेप्रमाणे रुग्णांना औषधे वाटप करण्यात आली.या मोफत आरोग्य शिबिराचा सुमारे 120 हून अधिक लोकांनी लाभ घेतला.येणाऱ्या प्रत्येकासाठी संस्थेच्या वतीने अल्पोहाराची सोय करण्यात आली होती. या कार्यक्रमाचे सूत्रसंचालन श्री राजन भगत यांनी केले तसेच उपस्थित सर्व आरोग्य कर्मचाऱ्यांचे आभार संस्थेच्या अध्यक्षांनी मानले. यावेळी न्यू लाईफ ग्रेस मिनिस्ट्रीज, सिंधुदुर्ग या संस्थेचे सर्व पदाधिकारी व सहकारी उपस्थित होते.