🛑सांगवे – तेलंगवाडी येथील शेकऱ्याचा विजेचा शॉक लागून मृत्यू..

कणकवली तालुक्यातील घटना..

✍🏼लोकसंवाद /- कणकवली.

कणकवली तालुक्यातील सांगवे – तेलंगवाडी येथील शेतकरी विनोद रामचंद्र मोर्ये वय वर्षे 55 यांचा जमिनीवर तुटून पडलेल्या विद्युत वायरचा शॉक लागून मृत्यू झाला आहे.विनोद मोर्ये हे बुधवारी संध्याकाळी साधारण ४ वाजण्याच्या सुमारास गुरे शोधण्यासाठी गेले होते.ते रात्र झाली तरी घरी न आल्यामुळे त्यांची पत्नी व वाडीतील ग्रामस्थांनी त्यांना शोधण्याचा प्रयत्न केला.परंतु ते कुठेच सापडले नाहीत.आज गुरुवारी ग्रामस्थांनी सकाळी पुन्हा शोध मोहीम सुरू केली असता विनोद हे सांगवे – तेलंगवाडी येथील दत्त्याचा उचवळा येथे तुटून पडलेल्या विद्युत वायरनजीक मयत स्थितीत पडलेले आढळले.घटनेची माहिती समजताच महावितरणचे अधिकारी व पोलीस निरीक्षक अमित यादव यांनी घटनास्थळ गाठले होते. विनोद यांच्या पश्चात पत्नी, विवाहित मुलगी व मुलगा, तीन विवाहित भाऊ असा परिवार आहे.