🛑व्याजी पैसे वसुली प्रकरणी धमकी दिल्या प्रकरणी मालवण मधील चार जणांनवर गुन्हा दाखल..

✍🏼लोकसंवाद /- मालवण.

व्याजासाठी पैसे देऊन त्याची व्याजासहित वसुलीसाठी वारंवार मोठ्या रकमेची मागणी करून धमकी दिल्याप्रकरणी येथील पोलीसांनी प्रियांका सुभाष कुमावत (रा. ओझर), मनिषा रुद्राप्पा गौडर, रुद्राप्पा गौडर, संतोष हिंदळेकर (सर्व रा. मेढा) या चौघांच्या विरोधात महाराष्ट्र सावकारी अधिनियम २०१४ चे कलम ४५, ४६, ३९ अन्वये गुन्हा दाखल केला आहे.

याबाबतची फिर्याद शहरातील एसटी स्टँड बौध्दवाडी येथील सानिका सागर मालवणकर यांनी पोलीस ठाण्यात दिली आहे. फिर्यादीत त्यांनी म्हटले आहे की आपण वर्षभरात प्रियांका सुभाष कुमावत, मनिषा रुद्राप्पा गौडर यांच्याकडुन १५ टक्के व्याज दराने रक्कम घेतली होती. परंतु प्रियांका कुमावत व मनिषा गौडर यांनी व्याजापोटी आपल्याकडून मोठ्या प्रमाणात रकमेची मागणी केली. ही रक्कम प्राप्त करण्यासाठी दोघांकडून वारंवार धमक्या दिल्या जात होत्या. त्यानंतर रुद्राप्पा गौडर, संतोष हिंदळेकर यांच्यामार्फत आपल्या घरातील वस्तु नेण्यात आल्या. मनीषा लक्ष्मण मालवणकर व अश्विनी अर्जुन चव्हाण यांची देखील प्रियांका कुमावत, मनिषा गौडर यांनी फसवणुक केल्याचे तक्रारीत म्हटले आहे. त्यानुसार चार जणांविरोधात पोलिसांनी गुन्हा दाखल केला आहे. याबाबत पोलीस निरीक्षक प्रविण कोल्हे यांच्या मार्गदर्शनाखाली सहायक पोलीस निरीक्षक सुनिल जाधव हे अधिक तपास करत आहेत.