🛑जिल्ह्यात काँग्रेस मजबुत करण्यासाठी कामाला लागा.;जिल्हा प्रभारी अजिंक्य देसाई यांचे आवाहन..

▪️ओरोस येथे जिल्हा काँग्रेसची बैठक संपन्न..

✍🏼लोकसंवाद /- सिंधुदुर्गनगरी.

जिल्ह्यात लवकरात लवकर काँग्रेस ग्राम कमिट्या व मंडळ कमिट्या स्थापन करा. तसेच जिल्ह्यात काँग्रेस पक्ष मजबूत करण्यासाठी प्रयत्न करावेत. अशा सूचना ओरोस येथे पार पडलेल्या सभेत जिल्ह्याचे प्रभारी अजिंक्य देसाई यांनी केल्या.

सिंधुदुर्ग जिल्हा काँग्रेसची सभा जिल्हा काँग्रेसचे अध्यक्ष इर्शाद शेख यांच्या अध्यक्षतेखाली आणि सिंधुदुर्ग जिल्ह्याचे प्रभारी अजिंक्य देसाई यांच्या प्रमुख उपस्थितीत ओरोस येथे पार पडली. या सभेत बुथ लेवल एजंट नियुक्त करण्याच्या कामा संदर्भात आढावा घेण्यात आला. ज्या ग्राम कमिट्या तसेच मंडल कमिट्या झालेल्या नाहीत त्या लवकरात लवकर कराव्यात अशी सुचना अजिंक्य देसाई यांनी केली. ओबीसी विभागामार्फत काढण्यात येणाऱ्या जनजागरण यात्रे संदर्भात चर्चा करण्यात आली. तेलंगाणा राज्यात काँग्रेसची सत्ता आल्या बद्दल राष्ट्रीय अध्यक्ष मल्लिकार्जुन खरगे आणि माजी अध्यक्ष राहुल गांधी यांच्या अभिनंदनाचा ठराव या सभेत घेण्यात आला.