🛑नापणे येथे आलिशान गाडीतून गोवा बनावटीची दारूची वाहतूक करतना साडेपाच लाखाची दारू जप्त..

▪️३४,५५,१२० किंमतीचा मुद्देमाल जप्त,राज्य उत्पादन शुल्क विभागाच्या कणकवली पथकाची कारवाई..

✍🏼लोकसंवाद /- कणकवली.

वैभववाडी तालुक्यातील नापणे येथे एका आलिशान चारचाकी जिप कंपास मधून गोवा बनावटीची दारू वाहतूक करत असताना एक कार राज्य उत्पादन शुल्क विभागाच्या कणकवली पथकाने मध्यरात्री पकडली.यामध्ये गोवा राज्यनिर्मित विदेशी मद्य रु. ५,५५,१२०/- किंमतीच्या मद्य साठ्यासाह एक चार चाकी वाहन असा सुमारे ३४,५५,१२०/- किमतीचा मुद्देमाल जप्त करण्यात आलेला आहे.

याबाबत सविस्तर वृत्त असे की, गोव्याहून कोल्हापूरच्या दिशेने जाणारी आलिशान कार क्रमांक MH 09 EK-6769 या चारचाकीला इन्सुलि चेकपोस्ट येथे तपासणीसाठी थांबविण्यासाठी इशारा करण्यात आला होता. मात्र या कार चालकाने हुलकावणी देत पुढे वेगाने निघून गेला. यावेळी राज्य मार्गावरील राज्य उत्पादन शुल्क विभागाच्या कणकवली पथकास याची माहिती देवून सदरची कार थांबविण्याची मागणी केली त्यानुसार कणकवली विभागाने व तपासणी नाका येथील पथकाने संयुक्तपणे कारचा पाठलाग केला.कार चालक चलाक असल्याने त्याने ताब्यातील कार ही मुंबई गोवा महामार्गावरून खारेपाटण व तेथून परत वैभववाडी च्या दिशेने फिरवले.मात्र मागाहून असलेल्या पथकाने पाठलाग सुरूच ठेवला. मात्र पुढे कार नापणे रस्त्याला वळविली त्यावेळी मात्र पुढे असणारा रस्ता हा अरुंद असल्याने कार चालक फसत चालला होता. त्याने ताब्यात असलेली कार आजूबाजूच्या जंगलमय भागाचा व काळोखाचा फायदा घेवून कार सोडून पसार झाला. यावेळी सदर वाहनातून गोवा राज्य बनावटी मुद्देमाल जप्त करुन कार वाहन ताब्यात घेण्यात आली.