🛑उबाठा सेनेच्या वानिवडे येथील सदस्या मेघा सरवणकर यांचा आ. नितेश राणे यांच्या नेतृत्वावर विश्वास ठेवून भाजपामध्ये प्रवेश..

✍🏼लोकसंवाद /- देवगड.

भाजपाने नुकत्याच झालेल्या निवडणुकीमध्ये घवघवीत यश मिळवले या पाठोपाठ वानिवडे ग्रामपंचायत वॉर्ड न.३ मधील शिवसेना उबाठा सेनेच्या सदस्या मेघा मंगेश सरवणकर यांनी भाजपामध्ये प्रवेश केला आहे. यामुळे देवगड तालुक्यामध्ये उबाठा सेने ला चांगलाच दणका बसला आहे. या निवडणुकीत भाजपाने उबाठा ला पूर्ण धोबीपछाड दिली असतानाच हे सदस्य गेल्याने उबाठा सेना हादरली आहे.आमदार नितेश राणे यांच्या नेतृत्वावर आपला विश्वास असल्याने आपण हा प्रवेश केला असल्याचे सरवणकर यांनी सांगितले माझ्या भागाच्या, गावाच्या तसेच ग्रामपंचायतच्या विकासासाठी आमदार नितेश राणे हेच योग्य नेतृत्व आहे. असे त्यांनी सांगितले.यावेळी माजी जिल्हा उपाध्यक्ष बाळ खडपे, माजी नगराध्यक्ष प्रियांका साळस्कर, व्ही.सी खडपकर,रमेश सरवणकर व अन्य उपस्थित होते.